Přepis regestovaného dokumentu

In nomine Domini Amen. Anno nativitatis eiusdem millesimo quadringentesimo vicesimo nono, indiccione septima, die penultima mensis Decembris, hora vesperorum vel quasi, pontificatus sanctissimi in Christo patris et domini nostri domini Martini, divina providencia pape quinti, anno ipsius duodecimo, in domo Collegii felicis recordacionis domini Karoli, Romanorum imperatoris semper augusti et Boemie regis, im Maiore civitate Pragensi, in struba bursali domus eiusdem, in mei notarii publici infracripti testiumque presencia subscriptorum, ad hoc vocatorum specialiter et rogatorum, constitutus personaliter discretus vir Martinus de Lipecz alias de Colonia, baccalarius arcium universitatis studii Pragensis, olym gubernator et provisor bonorurn ternporalium dicti Collegii, confessus est et in veritate recognovit se quoddam publicum instrumentum, super quadam curia alodiali, in Poczrnicz villa de bonis dominorum magistrorum dicti Collegii collegiatorum ab olym Petro barbitonsore, cive Maioris civitatis Pragensis, pro se, heredibus et successoribus suis empta, per me notarium publicum infrascriptum confectum, signo et nomine meis solitis et consuetis consignatum, habuisse illudque instrumentum casu fortuito perdidisse. Cum autem, ut dicebat, sit cum magistris dicti Collegii collegiatis per certos arbitros arbitratores ita et taliter concordatus, quod dictum instrumentum cum aliis scripturis et munimentis, dictam curiam concermentibus, in certo termino iam preterito debuisset reponere ac viginti sexagenas grossorum in certis terminis, per eosdem arbitros expressis, a prefatis magistris collegiatis pro dieta curia suscipere deberet effective, prout in pronuncciacione dictorum arbitrorum facta, libro dominorum consulum Nove civitatis Pragensis inserta, dicebat contineri, non valens ipsum habere empcionis instrumentum, de consensu Magistrorum Iacobi de Miza et Buzkonis de Kdyna, dicti Collegii collegiatorum, protunc dictum Collegium representancium, et gracia ac voluntate eidem instrumento ac omnibus et singulis, in eodem instrumento oontentis et conscriptis, suo et omnium suorum et singulorum heredum successorumque nominibus expresse renuncciavit ipsumque per hoc publicum instrumentum anullandum fore voluit et anullavit, nullius quo ad se, heredes et successores suos volens dictum instrumentum fore vigoris, auctoritatis, firmitatis, roboris vel momenti, promittens bona sua fide sine omni dolo et fraude, si dictum empcionis prefate instrumentum per ipsum, heredes vel successores suos quoquo modo foret inventum, ipso in detrimentum dicte curie et magistrorum dicti Collegii collegiatorum presencium et futurorum uti in nichilo per ipsumque instrumentum neminem inpetere per se, heredes vel successores suos quomodolibet vel turbare sub pena quinquaginta sexagenarum grossorum bonorum Pragensium denariorum, dictis magistris collegiatis presentibus vel futuris solvenda et auctoritate vel potestate quibuscumque in ipso, heredibus et successoribus suis, si et de quanto per dictum empcionis instrumentum quidquam premissorum foret intemptatum, exigenda, quam penam tam in se ipsum quam in heredes et successores suos in casu, quo premissis vel alicui premissorum esset umquam contraventum, sponte prorogavit. Ibidem mox dicti magistri Iacobus et Buzko collegiati onus solucionis dictarum peccuniarum, nomine dicti Collegii in se assumptu, explentes quinque sexagenas in florenis et grossis argenteis dicto Martino iuxta arbitrium dictorum arbitrorum et pronuncciacionem pro curia predicta et pro primo termino persolverunt. Super quibus omnibus et singulis tam dictus Martinus pro suo quam dicti magistri collegiati pro ipsorum et dicti Collegii interesse pecierunt ipsis per me notarium publicum infrascriptum fieri et confici unum vel plura publicum instrumentum seu publica instrumenta.

Acta sunt hec anno, indiccione, die, mense, hora, pontificatu et loco quibus supra presentibus honorabili et scientifico magistro Petro Anglico, canonico capelle regie Omnium sanctorum in castro Pragensi, ac prudentibus et discretis viris dominis Mathia a Pectinibus, Nicolao dicto Drlyk coloratore, arbitris parcium predictarum, Henrico placentario, civibus Maioris et Nove civitatis Pragensis, Symone de Moczidlecz, Smylone de Božeyow alias de Dubenka, Iohanne de Hradczowicz, Pragensis et Olomucensis diocesis clericis, testibus circa premissa fidedignis.

Et ego Iacobus Moless, natus olym Ambrosii Pragensis, publicus imperiali auctoritate notarius, suprasciptis confessioni, recognicioni, promissioni, pene submissioni, prorogacioni, peccuniarum solucioni omnibusque aliis et singulis premissis, dum sic, ut premittitur, fierent et agerentur, una cum prenominatis testibus presens interfui eaque omnia et singula sic fieri vidi et audivi, manu propria conscripsi, publicavi et in hanc publicam formam redegi, signo et nomine meis solitis et consuetis consignavi, rogatus et requisitus in fidem et testimonium omnium et singulorum premissorum.