Posvátný generální koncil v Basileji (Sacrosancta generalis synodus Basiliensis) uděluje a dává (concedimus atque damus) kněžím, baronům, šlechticům, rytířům a dalším osobám Českého království (omnibus et singulis sacerdotibus, baronibus, nobilibus, militaribus, popularibus et aliis quibuscumque viris, cuiuscumque status, condicionis aut qualitatis existant, de regno Bohemie) a Markrabství moravského (marchionatu Morauie), z Prahy (de Praga), měst a dalších míst téhož území, jakož i všem dalším církevním i světským osobám vyslaným nebo směřujícím spolu s nimi ke generálnímu koncilu v Basileji (ciuitatibus, ac aliis locis eorundem et omnibus aliis ecclesiasticis et secularibus personis, qui aut que vnacum ipsis ad generale Basiliense concilium mittentur, aut profecturi existunt, omnibus eorum personis, quocumque nomine censeantur, aut valeant nuncupari) do počtu 200 (infra tamen numerum ducentarum personarum) glejt na cestu do města Basileje, kde se budou moci bezpečně zdržovat a podle uzavřené dohody vyřídit vše, čím budou pověřeni, a následně se bezpečně vrátit zpět do své země. Zaručuje adresátům možnost konat bohoslužby v místech jejich ubytování a garantuje, že po celou dobu trvání glejtu, octnou-li se husité na jakémkoliv místě, přicházejíce, zůstávajíce nebo odcházejíce, nebudou přerušeny bohoslužby a nebude zachován interdikt pro jejich přítomnost. Kromě toho budou moci ústně či písemně svobodně předkládat a hájit 4 artikuly, o něž se zasazují, dokládat je Písmem a výroky, názory a argumenty církevních učitelů, odpovídat na námitky koncilu a účastnit se disputací či rozprav podle dohody uzavřené mezi koncilním poselstvem a českou delegací ve městě Chebu (in Egrensi ciuitate). Za nejpravdivějšího a nestranného soudce v otázce těchto 4 artiklů budou přijaty zákon Boží, praxe Kristova, apoštolů a prvotní církve spolu s koncily a církevními učiteli, kteří se na nich pravdivě zakládají. Zabezpečuje české delegaci možnost návratu na požádání i před dokončením jednání, na příkaz nebo se souhlasem jejích nadřízených a s vědomím koncilem pověřených osob, při zachování bezpečnosti osob, cti a majetku, a výlučné právo trestat provinění vlastních příslušníků, podobně je zaručena koncilní straně výlučná pravomoc trestat vlastní příslušníky; v obou případech má bezodkladně následovat přiměřený trest s dostatečnou nápravou, kterou má druhá strana důvodně schválit, přičemž ustanovení glejtu zůstávají nedotčena. Dále garantuje možnost vycházet z Basileje na čerstvý vzduch a vracet se do ní a dle potřeby vysílat a přijímat vlastní posly, s doprovodem zajišťujícím jejich bezpečnost a zaručuje, že koncilní strana nebude při veřejných kázáních ani jiných rozpravách v Basileji používat potupná vyjádření na újmu věci 4 artiklů. Platnost ochranného glejtu stanovuje na dobu od přijetí delegace pod ochranu koncilu, přes dobu jejího pobytu až po její návrat do Domažlic (in Tuscam), Tachova (Tacouiam) nebo Andělské Hory (Engelsburg). Návrat zajistí po dostatečném slyšení a při dodržení předchozí lhůty 20 dnů (spacio viginti dierum premisso), jestliže si jej poslové vyžádají nebo jim koncil oznámí odchod; z uvedených míst si vyberou sami. Koncil se zaručuje (promittimus bona fide et spondemus) za papeže Evžena IV. (pro sanctissimo domino Romano pontifice), krále Zikmunda (pro serenissimo principe domino Sigismundo Romanorum etc. rege), kardinály, arcibiskupy, biskupy, opaty, preláty, kleriky, jakož i za knížata, krále, vévody, markrabata, hrabata, banory, rytíře, pospolitosti a obce měst, hradů a vsí, jejich konšely, přísežné, úředníky a další církevní či světské osoby (venerabilibus dominis cardinalibus, archiepiscopis et episcopis, ac dominis abbatibus, prelatis et clericis, nec non illustribus principibus, regibus, ducibus, marchionibus, comitibus, baronibus, nobilibus, militibus, vniuersitatibus et communitatibus ciuitatum, castrorum et villarum earumque consulibus, scabinis, officialibus et aliis, cuiuscumque condicionis et status, ecclesiastici vel secularis, existant) a za jejich poddané, že on i všichni uvedení budou dodržovat uvedené závazky. Dále se zavazuje tajně či otevřeně nepoužívat jakoukoliv autoritu nebo moc, právo, zákony nebo ustanovení (aliqua auctoritate, vel potencia, iure, statuto, aut priuilegio legum vel canonum, et quorumcumque conciliorum), zejména koncilu v Kostnici (Constanciensis) a Sieně (Senensis), k újmě glejtu, zaručené bezpečnosti nebo veřejného slyšení. Konečně připouští, že pokud on sám nebo někdo z jeho strany poruší některé ustanovení glejtu a nebude bezodkladně sjednána dostatečná náprava, kterou česká delegace může podle svého uvážení důvodně schválit, může jej delegace pokládat za propadlý všem trestům, jimž podle božského a lidského práva nebo zvyklostí podléhají porušitelé glejtů.
- A: N/A
- B: ZA Opava – pobočka Olomouc; KMK; sign. CO 410; fol. 56r–57r
Přepis regestovaného dokumentu
Sacrosancta generalis synodus Basiliensis, in spiritu sancto legittime congregata, vniuersalem ecclesiam representans. Recognoscimus tenore presencium vniuersis, quod omnibus et singulis sacerdotibus, baronibus, nobilibus, militaribus, popularibus et aliis quibuscumque viris, cuiuscumque status, condicionis aut qualitatis existant, de regno Bohemie et marchionatu Morauie, de Praga et ciuitatibus, ac aliis locis eorundem et omnibus aliis ecclesiasticis et secularibus personis, qui aut que vnacum ipsis ad generale Basiliense concilium mittentur, aut profecturi existunt, omnibus eorum personis, quocumque nomine censeantur, aut valeant nuncupari, infra tamen numerum ducentarum personarum, tenore presencium nostrum plenissimum ac perfectum saluum conductum concedimus atque damus, verissimamque securitatem veniendi ad hanc ciuitatem Basiliensem ibidemque manendi, standi, morandi nobiscumque de quibusuis negociis opportunis ipsis commissis tractandi, placitandi, disponendi, et terminandi inpartimur; ac in loco vel locis hospiciorum suorum diuina officia sine impedimento nostrorum peragere permittimus, sic eciam, vt propter illorum presenciam neque in itinere, neque in aliquo loco itineris, in eundo, manendo aut redeundo, neque in ipsa ciuitate Basiliensi, a diuinis officiis cessetur quouis modo per modum interdicti. Ceterum in generali concilio seu synodo Basiliensi articulos quatuor, pro quorum claritate instant, oretenus aut in scriptis libere poterunt offerre, aut propalare, scripturis sacris, beatorumque doctorum verbis, sentenciis et racionibus eos declarare, astruere et persuadere, et si opus fuerit, eciam ad obiecta concilii generalis respondere, aut cum aliquo vel aliquibus de concilio super eisdem disputare, aut caritatiue absque omni impedimento conferre, obprobrio, conuicio aut contumelia procul motis, seruatis forma et modis inter nostros legatos ac nuncios predictorum regni ac marchionatus in Egrensi ciuitate specificatis et vniformiter conclusis; et signanter, quod in causa quatuor articulorum per ipsos attentatorum lex diuina, praxis Christi, apostolica et ecclesie primitiue, vnacum conciliis doctoribusque fundantibus se veraciter in eadem, pro veracissimo et indifferenti iudice in hoc Basiliensi concilio admittentur. Et illis peractis vel non peractis, quandocumque de mandato aut consensu maiorum suorum ad propria reuerti optabunt, aut aliquis ipsorum optabit, mox absque vlla renitencia, occasione et mora, saluis rebus eorum et suorum, pariter honore et personis viceuersa poterint, vel poterit iuxta beneplacitum libere et secure redire, de scitu tamen deputandorum per concilium, vt pro tunc opportune securitati eorum prouideatur sine dolo et fraude. Nichilominus in hoc eorum saluo conductu omnes quascumque clausulas includi ac contineri volumus, et pro inclusis haberi, que pro plena, efficaci et sufficienti securitate in eundo, stando, redeundo neccessarie sunt et opportune. Hec notantur propter bonum pacis procurandum et obseruandum, luculenter expressantes, quod si quispiam aut aliqui ex illis, siue in itinere ad nos in Basileam veniendo, siue ibidem demorando aut redeundo, aliquid enorme, quod absit, egerit aut egerint, per quod posset assecuracionis ipsorum beneficium eis aut eorum alicui concessum annullari aut cassari, volumus ac admittimus et concedimus, vt talis vel tales in facinore huiusmodi deprehensi vel deprehensus ab ipsis dumtaxat, et non ab aliis, condigna animaduersione cum emenda sufficienti, per partem nostram merito approbanda et laudanda, mox puniatur aut puniantur, illorum assecuracionis forma, condicionibus et modis omnino manentibus illibatis. Et pariformiter, si quispiam, vel aliqui ex nostris, siue in itinere ad nos in Basileam veniendo, siue ibidem demorando aut redeundo, aliquid enorme, quod absit, egerit vel egerint, per quod posset assecuracionis ipsorum beneficium eis aut alicui eorum concessum annullari aut cassari, volumus, vt talis vel tales in facinore huiusmodi deprehensi, a nobis vel a nostris dumtaxat, et non ab aliis, condigna animaduersione cum emenda sufficienti, per partem dominorum ambasiatorum et nunciorum merito approbanda et laudanda, mox puniatur aut puniantur, presenti assecuracionis forma, condicionibus et modis omnino manentibus illibatis. Volumus eciam, quod liceat ipsis ambasiatoribus omnibus et singulis tociens, quocienscumque opportunum fuerit seu neccessarium, ad auram capiendam exire de ciuitate Basiliensi et reuerti ad eandem, nec non nuncium vel nuncios suos ad quecumque loca pro suis neccessariis ordinandis libere mittere seu destinare, et ipsos missos et destinatos, seu missum et destinatum suscipere tociens quociens eis videbitur expedire, ita quod aliqui vel aliquis per deputandos concilii socientur, qui eorum securitati prouideat vel prouideant. Insuper nec in sermonibus seu predicacionibus publicis aut aliis collacionibus, in preiudicium, derogacionem seu deterioracionem cause ipsorum quatuor articulorum, pars nostra terminis quibuslibet in confusionem vergentibus poterit, aut debebit vti et potiri in loco ciuitatis Basiliensis. Qui quidem salui conductus et securitates stare atque durare debent et a tempore et per tempus, quo in nostre et nostrorum tuicionis curam ipsos suscipi contigerit, et vsque in Basileam perduci, ac toto tempore mansionis eorum ibidem, et rursum post sufficientem audienciam habitam, spacio viginti dierum premisso, cum ipsi pecierint, aut concilium habita huiusmodi audiencia ipsis recessum indixerit a Basilea vsque in Tuscam, aut Tacouiam, aut Engelsburg, in quem ex locis istis maluerint, Deo fauente restituemus, dolo et fraude prorsus exclusis. Eciam pro vniuersis et singulis Christi fidelibus, et specialiter pro sanctissimo domino Romano pontifice, pro serenissimo principe domino Sigismundo Romanorum etc. rege, ac venerabilibus dominis cardinalibus, archiepiscopis et episcopis, ac dominis abbatibus, prelatis et clericis, nec non illustribus principibus, regibus, ducibus, marchionibus, comitibus, baronibus, nobilibus, militibus, vniuersitatibus et communitatibus ciuitatum, castrorum et villarum earumque consulibus, scabinis, officialibus et aliis, cuiuscumque condicionis et status, ecclesiastici vel secularis, existant, quocumque nomine censeantur, et pro subditis omnium premissorum et pro tota parte eorundem, promittimus bona fide et spondemus, quod nos et singuli predicti predictam assecuracionem et salui conductus eorum formam in omnibus suis condicionibus, punctis et clausulis superius expressatis, inuiolabiliter et inconcusse, bona fide et puro corde obseruabimus et custodiemus, obseruabunt et custodient. Insuper promittentes sine fraude et quolibet dolo, quod nolumus, neque debemus occulte vel manifeste, quacumque occasione pretensa vti aliqua auctoritate, vel potencia, iure, statuto, aut priuilegio legum vel canonum, et quorumcumque conciliorum, specialiter Constanciensis et Senensis, quacumque forma verborum expressa, in aliquod preiudicium saluo conductui, seu assecuracioni, ac publice audiencie, ipsis per nos concesso vel concesse. Quod si nos aut aliquis ex nobis vel nostris, cuiuscumque condicionis vel status aut preeminencie existens, prescripte assecuracionis et salui conductus formam et modum in quocumque puncto vel clausula violauerit, quod tamen auertere dignetur omnipotens, et sufficiens emenda mox non fuerit subsecuta, et ipsorum arbitrio merito approbanda et laudanda, habeant nous sic; recte nos et habere poterunt incidisse in omnes penas, quas iure diuino et humano, aut consuetudine huiusmodi saluorum conductuum violatores incurrere possunt, absque omni excusacione aut quauis in hac parte contradiccione. Datum in sessione publica eiusdem sancte synodi in ecclesia maiori Basiliensi celebrata XII. Kalendas Julii anno domini M°. quadringentesimo tricesimo secundo.