Přepis regestovaného dokumentu

Wir Friderich, von Gotts gnaden herczog zu Sachsen, des heiligen Romischen reichs erzmarschalk, landgrave zu Doringen und marggrave zu Meissen, bekennen und tun kund offentlich mit dissem brief allen, die in sehen oder horen lesen, wann vor uns komen sind die burger und einwoner unsers stedtlins Schonpach, unser lieben getrewen, und haben uns vleissigk gepeten, das wir in solche brive, als in die durchlauchtigisten fursten und herrn, herr Wenzelaw seliger,3 herr Sigmund, alle Romische konige und konige zu Behmen etc., und der hochgeporne furste, herr Wilhelm, marggrave zu Meissen, unser lieber bruder seliger, in vormals uber ire freiheit vormals gegeben haben, vor newes zu bestetigen, vernewen und confirmirn, des haben wir angesehen ire vleissige bett und dinste, die sie in vergangen zeiten getruwlich getan haben und hernach tun mugen, und durch besserunge und zunemunge des gnanten stettlin haben wir den gnanten burgern und einwonern vernewet, bestetigt und confirmiret alle ire freiheit nach innehaldunge und laut der obgnanten koniglicher und furstlicher brive und vornewen, bestetigen und confirmirn in die in craft diss briefs gnediglichen also, das sie und ire nachkomen solcher freiheit, strassen und gnad gebrauchen sollen und mugen one hindernisse, als das die obgnanten briefe eigentlichen innehalden und ausweisen. Mit urkund diss Brives, vorsiegelt mit unsern anhangenden sigille. Gegeben zu Freiberg nach Gottes gepurt virzehenhundert jar und darnach im funfundzwanzigisten jar am freitagk nach Nativitatis Marie.