Přepis regestovaného dokumentu

Nos comes Mathius de Palocz, iudex curie domini Sigismundi, dei gratia Romanorum regis, semper augusti ac Hungarie, Bohemie, Dalmatie, Croacie et cetera regis, damus pro memoria, quod discussionem reportate seriei cuiusdam possessionarie reambulacionis metarum demonstracionis consignacionis statucionis, estimacionis, revisionis et communis inquisicionis, quam inter religiosos viros, fratres hermitas claustri beate Marie virginis de Chathka … ab una, et inter Iohannem, filium Thome dicti Vyncze de Zenthgyurgh, in causam adtractum parte ab altera, iuxta contenentiam litterarum nostrarum … et conventus ecclesie … de alba rescripcionalium super factis in eisdem contentis, in octavis festi beati Michaeli archangeli facere tenebantur, in quo etiam termino idem in causam … iudicia, viginti unus marcam dupla nobis et parti adverse persolvere tenebatur, propter motum presentis exercitus regni contra husitas instaurati, ad octavas festi epiphaniarum domini nunc venturas similiter dictis iudicis duximus prorogandam. Datum Bude, tricesimo quinto die termini pernotati, anno domini M^mo CCCC^mo tricesimo primo.