Přepis regestovaného dokumentu

Allen fursten geistlichen und wertlichen herren, rittern, edlingen und howplüten, burggreffen, richtern, steten, dorffern, und allir gemeyne cristenlichens geloubens, richter, burgermeister, scheppen und die gancze gemeine der stad Germer, willige dienste mit ganczem vermogen.

Jamer und obirswenglicher angest uns obirhoupt nw twinget czu vormanen allen, den cristenliche ordenunge libet, das sie mit klegeliche suffczen zcu hercze nemen disse grusamen morde und grose slachtunge, die do leider an fromen cristen gescheen sien zcu Comptaw Komotau, zcu Bernaw Beraun, zcu Behmisschen Brodaw und anderswo, der so viel ist, das wirs nicht schreiben turren, und nicht alleine in disen steten vorgenannt, sunder Nuwenburg, Collen au der Elw und der berg zcu Cutthen sich nw vor vurchten den snoden grymmigen ketczern undirgeben haben, so das nw die axs unsers vorterpnisses und usrodunge am stamme steht. Hie nemet alle bie zceithen und lassetz euch zcu hertczen gehen, sam irs von ougen zeu ougen segt sulch blutvorgissen, das an uns geschen mag, wendet das got der almechtige mit siener gute von uns nicht, und ab euch denne sulche morde unsirnthalben menlichs geschlechtes nicht bewegen mochte zcu meteleidunge, lasset euch dach czu herczen gehn mit inniclicher betrachtunge das geschrey, hulen und weynen, swerunge und bitter sterben juncfrauwen, frauwen und unmundiger kinder, der sie keyns lassen leben. Ouch sullet ir gemeynlich wissen, das ir offinbar drew ist, so balde sie uns obirkomen, wellen sie an alles zumen alle stete in der Sleszie besuchen. Dorumb so nemet disse ding nach viele hoger zcu herezen, wenn wirs geschreben mogen, wend die wende zewischen euch und uns burnen, helffet korczlich, die wiele zcu helffen ist und keyn sumen zeu haben ist, sundir unsir und euwir vorterpniss steht nu vor der tor, und vormanet getrulichen jung und alt, reich und arm, disse vorterpniss zcu widdern und zcu dempen. Gegeben des tages sancti Marcii anno domini 1421.