Přepis regestovaného dokumentu

Ich Endres Stempach czu Kungsparg bekenne mit disem offen Brife vor allen den die insehen, horen oder lesen, das ich für mich und alle mein Erben und Nachkumen umb siben und dreissig Schok guter behemischer groschen der wir gancz beczalt worden sein recht und redleich haben verkawfft und geben czukawffen dem Goczhawse der Kirchen unser lieben Frawen zum Kulm und den Kirchlewten dasellbst die icznnt sein oder in kunftigen Czeiten sein werden czu einer ewigen Messe drey Hofe in dem Dorffe czu Marckharczgrun doraws die Czeit siczen Hanns Moltsch, der Pere und Klughan mit allen eren Nuczen und Rechten und aller irer Czugehorungen, nichcz davon awser genummen in aller der moß als wir die innen gehabt haben außgesaczt die Kunigstewr das sie mit uns und unsern armen Lewten dorinne leiden als das vor herkummen ist ongeverde und derselben guter verczeihen wir uns als obengeschrieben stet gancz und gar mit Crafte dicz Brifs und dornach nymmermer czu sprechen in keiner Weise ongeverde und ob sachen were das in unser gnediger Herre der Kunig dieselben Gute nicht wolde leyhen czu dem Goczhawse als oben geschriben stet wenne sie uns dann vor ein Jare vermon so schullen und wollen wir in und dem goczhawse dann das obgeschriben Gelt gutleich wider beczalen und uns dann derselben gute wider abtreten ongeverde das daz alles stete und gancz gebalden werde das obengeschriben stet so hab ich obgenanter Endres Steinpach für mich und mein Erben und Nachkumen mein eigen Ingesigel gehangen an disen Brife und hab des gebeten czu geczeivgen die erbergen vesten Nickel Plankner gesessen Gotegaw und Hannsen von Globen gesessen czu Pochamicz das sie des ire Ingesigel czubesserm bekentnisse auch haben an disen Brife gehangen in onschaden der geben ist nach Cristes Gepurt virczehenhundert Jare und in dem drei und czweinczigisten Jare des nehsten Freitags nach Simonis und Jude.