Přepis regestovaného dokumentu

Nos Iacobus parlier, magister civium, Nicolaus Nymlans, Silberein Nicz, Iohannes Ircher, consules, ceterique iurati civitatis Olomucensis recoscimus tenore presencium universis discretum Iohannem Lang de voluntate sue conthoralis mediam marcam veri et certi census annui grossorum Pragensis et Moravici numeri dandi et porrigendi sub impigneracionis pena que pro censibus fieri solet per medium in Georgii et medium in Michaelis, festis continue se secuturis honoralibi viro domino Mathie pro quinque marcis grossorum et numeri predictorum rite et racionabiliter vendidisse quemquidem censum annuum in et super domo sua in Hunczgassen penes Mikschonis domum predictis terminis habendum et apprehendendum ac inter christianos sive iudeos pre singulis aliis creditoribus conquirendum dicto domino Mathie ad vite ipsius dumtaxat tempora et post mortem ipsius discreto Iohanni Groplero et suis heredibus vel illi cui ipsi assignaverint, prout veri et legittimi collatores deputavit. Tali tamen super addita condicione, quod prefatus Iohannes Lang, eius uxor, heredes vel successores pretactum censum annuum, quolibet anno et terminorum termino cum equivalentibus quinque marcis grossorum reemere solutis, prius censibus superauctis. In cuius rei testimonium sigillum nostrum presentibus est appensum. Anno domini millesimo quadringentesimo decimo nono, feria sexta ante Galli.