Přepis regestovaného dokumentu

Wir Wilhelm, von Gotts gnaden langdrave in Doringen, marggrave zu Meissen und pfalzgrave! zu Sachsen, bekennen und tun kund offentlich mit dissem brif allen den, die in sehen oder horen lesen, das vor uns komen sind die ersamen leute, burger und einwonre unser stadt Schompach, unser lieben getreuen, und haben uns demutiglich gepeten dissen nachgeschrieben brief, den in der allerdurchlauchtigste furst und herr, herr Sigmund, Romischer kunig, zu allen zeiten merer des Reichs, und zu Ungern, Behemen, Dalmatien, Croatien konig, unser lieber gnediger herr, uber ire freiheit, gnade und gewonheit gegeben hat, zu verneuen, zu bestetigen und zu confirmirn. Derselbe brif von wort zu worte also lautet: Wir Sigmund, von Gotts gnaden Romischer kunik etc. Následuje inzerovaná listina z 12. září 1422, viz regest Also haben wir angesehen der vorgeschrieben burger und einwoner unser stadt zu Schompach demutige und redliche bett und auch willig und getrewe dinst, die sie uns getan haben, teglichen tun und noch tun sollen und mugen in kunftigen zeiten, und haben darumb in und iren nachkomen doselbs zu Schompach mit wolbedachtem mut, gutem rat und rechter wissen den vorgeschriebnen unsers lieben gnedigen hern brief in allen und iglichen seinen stucken und artickeln und begreifunge, als der vorgeschrieben steht, und auch alle und igliche ire recht, gnade und freiheit und redlich herkomen vernewt, bestetigt, befestiget und confirmirt, vornewen, bestetigen und confirmiren in die gnediglichen in kraft diss briefs und wollen auch, das sie furbas mer dapei bleiben und der geniesen und gebrauchen sollen und mugen von allermeniglich ungehindert. Und heissen und gepiten darumb allen unsern voiten, amptleuten und untertanen ernstlichen und vestiglich mit dissen brief, das sie die ehegnanten burger und einwoner zum Schompach an den gnanten iren freiheiten, gnaden und rechten, als sie das vor alders gehabt und redlich herbracht haben, nicht hindern noch drein halden, sundern sie der geprauchen lassen und sie darzu handhaben, schuczen und schirmen ane alles geverde. Und haben des zu bekentnissen unser insiegel wissentlich an dissen brief lassen hengen. Gegeben zu Arnsthouge nach Cristi gepurt virczehenhundert und darnach in dem vierundzwanczigisten jaren am freitag nach unser lieben Frawen tag Visitationis.