Císař Zikmund (Sigismundus etc.) potvrzuje (approbavimus) Maternovi (Maternus), měšťanu a rychtáři města Písku (civis et iudex civitatis nostre Piescensis), a jeho dědicům (heredibus), na jeho žádost a za věrné služby, rychtu se všemi právy, výhodami a příslušenstvím (cum universis suis pertinenciis, iuribus, utilitatibus et usifructibus), které zdědil po svém otci Maternovi staršímu (a patre suo quondam Materno ibidem iudice), jakož i inzerovanou listinu svého bratra, krále Václava IV. (Wenceslai, fratris nostri carissimi, Bohemie regis).
Král Václav IV. schvaluje prodej rychty Maternovi. 28. června 1410
Konečně císař přikazuje (Mandamus) podkomořímu Českého království (subcamerario) a všem dalším purkrabím a úředníkům, jakož i purkmistru, konšelům a obci města Písku, aby Maternovi a jeho dědicům nebránili v držení rychty, ale aby je chránili, pokud si přejí vyhnout se jeho hněvu.
A: N/A
B: značně zkrácený opis v registrech krále Zikmunda z let 1436–1437
C: prostý opis z 15. století ve sbírce Cancellaria regis Georgii
- A: N/A
- B: Lobkowiczká knihovna Nelahozeves (dříve Roudnice nad Labem); sign. VI Fb 19; pag. 32–33
- C: NK ČR Praha; Sbírka rukopisů; sign. XXIII D 163; fol. 627v–628r (stará fol. 603v–604v)
- A: N/A
- B: N/A
- C: Manuscriptorium
- Čelakovský 1890, s. 125, č. 25 (latina, dle B)
- RI XI, č. 11663 (němčina, dle B)
- RI XI NB/6, č. 199 (v tisku, němčina, dle B)
Přepis regestovaného dokumentu
Sigismundus etc. Notum facimus etc., quod veniens ad nostre maiestatis presenciam fidelis noster dilectus Maternus, civis et iudex civitatis nostre Piescensis, nobis exposuit, qualiter iudicium eiusdem civitatis Piescensis ad ipsum a patre suo quondam Materno ibidem iudice iure successionis pervenerit, prout hec serenissimi principis dive memorie Wenceslai, fratris nostri carissimi, Bohemie regis, littere desuper concesse clarius attestantur; supplicavitque idem Maternus nostre maiestati humili cum instancia, quatenus sibi et suis heredibus hoc idem iudicium in Pieska ac infra scriptam litteram, patri suo prefato, et per consequens sibi per predictum fratrem nostrum regem Wenceslaum desuper concessam, approbare, ratificare et confirmare graciosius dignaremur. Cuius quidem littere tenor sequitur de verbo ad verbum et est talis:
Wenceslaus dei gracia Romanorum rex semper augustus et Boemie rex. Notum facimus tenore presencium vniuersis, quod cum Hanko Sskudla, ciuis Minoris ciuitatis Pragensis, fidelis noster dilectus, judicium ciuitatis nostre Piescensis, quod ipse a famoso Georgio de Roztok, fideli nostro dilecto, cui idem judicium tamquam ad nos deuolutum dudum dedimus, prout litere maiestatis nostre sibi desuper per nos date clarius attestantur, ex donacione habuit et possedit, Materno ciui ciuitatis Piescensis, fideli nostro dilecto, procerta summa pecunie vendiderit, exstat maiestati nostre per prefatum Hankonem humiliter supplicatum, quatenus vendicionis et empcionis contractum predicti judicii auctoritate regia approbare, ratificare et confirmare graciosius dignaremur. Nos igitur prefati Hankonis supplicacionibus ut puta rationabilibus benignius inclinati, attendentes nichilominus studiosis obsequiis maiestati nostre tam per eundem Hankonem quam etiam per dictum Maternum exhibitis et in posterum eo quidem studiosius exhibendis, non per errorem aut improuide, sed animo deliberato sano fidelium nostrorum accedente consilio et de certa nostra sciencia empcionis et vendicionis contractum predicti judicii Piescensis, prout rite et rationabiliter processit, approbauimus, ratificauimus et confirmauimus, approbamus, ratificamus et virtute presencium regia auctoritate Boemie graciosius confirmamus. decernentes auctoritate regia predicta expresse, quod prefatus Maternus et ipsius heredes predictum judicium cum vniuersis suis pertinenciis, juribus, prouentibus et vsufructibus, in quibuscunque consistant, prout prefatus Hanko ipsum hucusque possidere dinoscitur, habere, tenere et possidere valeant et debeant, impedimentis quibuslibet penitus procul motis. Mandamus igitur subcamerario regni Bohemie ceterisque nostris burggrauiis et officialibus necnon magistro ciuium, consulibus, juratis et communitati ciuitatis Piescensis, fidelibus nostris dilectis, presentibus et futuris, firmiter et districte, quatenus dictum Maternum et eius heredes in possessionem dicti judicii et ejus jurium et pertinencium vniuersorum nequaquam impediant neque impediri per quempiam paciantur, quin pocius circa huiusmodi nostro nomine manuteneant efficaciter et defendant, prout indignacionem nostram grauissimam voluerint arcius euitare. Presencium sub regie nostre maiestatis sigillo testimonio literarum. Datum Prage anno oc. MCCCCX°, die XXVIII Junii, regnorum nostrorum anno Bohemie XLVIII°, Romanorum vero XXXIV°.
Nos itaque attendentes fidelia servicia etc. sibi et heredibus predictum iudicium civitatis Piescensis cum universis suis pertinenciis, iuribus, utilitatibus et usifructibus, in quibuscumque consistant, habendum, tenendum et possidendum, prout hoc ad ipsum iure successionis a patre suo dinoscitur pervenisse, nec non suprascriptam regis Wenceslai litteram in omnibus suis punctis et articulis, sicuti de verbo ad verbum superius expressatur, approbavimus etc. Mandamus igitur subcamerario regni Bohemie ceterisque nostris burggraviis et officialibus nec non magistro civium, consulibus, iuratis et communitati civitatis Piescensis, fidelibus nostris dilectis, presentibus et futuris, firmiter et districte, quatenus dictum Maternum et eius heredes in possessione dicti iudicii et eius iurium et pertinencium universorum nequaquam impediant neque impediri per quempiam paciantur, quin pocius circa huiusmodi nostro nomine manuteneant eficaciter et defendant, prout indignacionem nostram gravissimam voluerint arcius evitare. Presencium sub imperialis nostre maiestatis sigillo testimonio litterarum. Datum Prage anno Domini millesimo quadringentesim tricesimo septimo die VII. mensis februarii.