32 XLVII. [s. d.] nach 1592. Paulus Paminondas Montanus (Horsky) von Silberberg (ab Argenteo monte), Abt des Stiftes Emaus in Prag, beschwert sich bei dem Kaiser über die Zurückhaltung der Appellation seiner Dienerin Anna von Kromierziž (Kremsier) bei dem Magistrate der Altstadt Prag. Das Original befindet sich im k. u. k. Haus-, Hof= und Staatsarchiv zu Wien. Sacratissima caesarea atque regia Majestas. Princeps et Domine Domine clementissime. Postquam lite coram iudicio et magistratu civili veteris urbis Pragensis intercedente sententia de quodam praeten- denti debito in favorem et pro parte Dorotheæ Bradiczka, in praeiudicium vero et gravamen famulanti mihi Annæ de Kromierziz lata sit, ab huiusmodi autem gravamine istius meæ famulæ nomine appellatum esse constat, estque etiam decreto sacratissimæ Maiestatis Vestræe caesareæ et regiæ commissum, ne appellatio hæc ulterius detineretur, sed a præfato magistratu remitteretur, detinetur tamen nihilominus et ad superius ac appellatum iudicium hac de causa hactenus non remittitur, quod pecunia appellationis in iudicio non deponatur a mea famula, ideo quod pauper sit. Jure itaque, quia paupertati in casu subvenitur et absque depositione pecuniæ appellationis processus partium una cum sententia desuper lata et appellata supremo iudici remitti debet, sacratissimæ caesareæ et regiæ Maiestatis Vestræ igitur ego humillime supplico, dignetur et velit, eidem iudicio et magistratui veteris urbis Pragensis clementissime demandare, ut hoc in passu iuri præscripto pareat, neve præalegatam appellationem diutius detineat, sed sine ulla et longiori mora ad cameram appellationis postpositis contrariis quibuscunque exceptionibus, quæ hic non obtinent pro decisione, remittat. Deus optimus maximus hanc sacratissimæ Majestatis Vestræ caesareæ et regiæ clementiam et gratiam huic pauperi famulæ meæ exhibitam tam temporali quam æterna gloria idque amplissima remunerare dignabitur.