195 den, ab yn nü Stephan Schick mit sulcher geczeuknuz icht vberwinden muge ader schull, ader waz darumb ein recht sey. Da teilt wir , das wir wolden di geczeuknus uberhoren. Des gestalten sy den alden rat, da sy sich ange- czogen hetten. Der bekante, vnd di heiratlewt, ratlewt, der vorkauffer vnd di leczten totpetleut dy bekanten, ab des Peschel vom Brad sun wider seine beschidunge reden wolden, das si sulden enterbet sein vnd sullen kein recht czu seinem gut haben. Da fragt Stephan Schik vnd sein fursprech den Pawl vom Brad, ab er wider di beschidung icht reden wolde. Da sprach der Pawl : als das, daz mein vater mit seynem gut beschiden hot, do wil ich nicht widerreden, aber ich vnd mein pruder habe wir czu ichte recht. Ich glawb meinen herren den scheppen, si lassen vns auch dapey bleiben. Dar- nach bekante auch der alte rat, dass Stephan Schick noch allen den ge- czeuknussen, dy si gehort hatten, auch gewilkurt het czu der beschidung, di sein sweher getan hett. Da wir clag vnd antwort gehorten vnd den alten rat vnd auch dy beschidunge, do si sich von paiden tailen an czogen, da sprach wir : ir herren, wir wollen vrteil teilen. Wil sich ymant dar czu warnen, des gunnen wir ym wol. Darczu wolden si sich von paiden tailen nicht warnen , sunder si sprachen: liben herren, vns genuget wol an ewerm vrteil. Da tailt wir an einem rechten : Also als des der alte rat bekant hat, do si sich von paiden tailen angeczogen haben vnd si von paiden tailen czu der beschidunge gewillkurt haben, das di selbe beschidunge, dar czu si von paiden tailen gewilkurt haben, die Peschel vom Brad getan hat von seinen gutren krafft vnd macht haben schol, aus genomen des erbs czum Kirchlens, das Stephan Schik angesprochen hot, daruber sich Pawl vom Brad von sein vnd seins pruder wegen beweisunge hat vormessen awz der lanttafel, das daz erbe ir sey ; beweisen si das, sy wollen sein genyssen ; be- weisen si das nicht, sy wollen sein enkelden. Des dankten si von paiden tailen dem rechten vnd lissen yn genugen an dem vrtail. Da sprach Stephan Schik vnd sein furspreche : liben herren, yn welcher frist schol er thun di beweisung. Do teilten wir czu der nechsten quottemmer, di nü vorgangen ist. Da pat vns Pawl durch des rechten willen, das wir im lehen czwen scheppen awz dem rat, di mit ym czugen czu der lanttafel vnde horten seine beweisung, ab im nicht ein abschrifft der lantafel mochte werden. Da gab wir ym czwen scheppfen vnd prachten eyn abschrifft aws der lanttafel vor- sigelt mit des lantschreibers pey der lanttafel ingesigel. Da di abschrifft der lanttafel quam, do beschid wir paidentailen in einen vollen rat vnd spra- chen : ir herren , hy ist komen di beweisunge der sich Pawl von Brad vor- messen hat. Di sehet von paiden tailen, das di gancz vnd vnczubrochen vnd vnvorruckt ist vnd di welle wir awzsprechen vnd wellen dazumb e ein recht sprechen. Da prach wir auff den prieff vnd di beweisung der lanttafel vnd lyssen di lesen vor paiden tailen. Der selben beschidung lawt von wort czu wort, als hie geschreben stet : Primo ab anno domini millesimo trecente- simo octuagesimo primo Thomlinus Prawmbart de Montibus Chuttis heredi- tatem suam in Kirchleins : curias aracie duas cum municione, cum tredecim sexagenis annui census, cum agris, pratis, siluis, jure patronatus ecclesie in 13*