100 (f. 125.) „Item in primo articulo sue replicationis ostendi requirunt vel verificari dictum doctorum de quodam. Istis tribus veritatibus in consilio doctorum pro fundamento positis dissencientibus non hoc" videtur rationabile. Si enim predicator invehens et dicens, quod quidam in regno Bohemie, imo particularius discurrendo, in civitate Pragensi sunt adulteri, usurarii, predones, simoniaci etc. (sicut et sepissime predicatum est) deberet requiri et compelli ad ostendendum tales, quia alias tota correctionis materia predicatoribus subtraheretur, si ad talia tenerentur. Quod si utique (licet contra juris ordinem) tales ostendi ac nominari volunt, primo dominum regem habeant super hoc requisitum, qui in suis literis ante consilium doctorum scripsit per totam Bohemiam dirigendo, qualiter pestifera dissensionis materia in clero sit suborta, cujus pretextu regnum ipsum et regnicole in diversis principatibus regno Bohemie adjacentibus, graviter infamantur; et si tenori litere domini regis nolunt fidem adhibere, exeant ad principalus regno Bohemie adjacentes, et de illo clero pestifero sciscitentur, et absque dubio eos propriis nominibus designabuut. Hic enim non est locus tales ostendendi, cum et ipsis a ccusato- ribus et judici, qui contra accusatos et convictos secundum canones vellet procedere, rerum et corporum periculum immineret. Allegaretur enim contra utrosque et populus concitaretur contra eosdem, (quod ipsi) tamquam in eos, qui terram infamare velint, sicut jam de facto ambo replicantes in suo primo articulo allegant. Si enim esset securitas tales ostendendi, nedum doctores, prelati, plebani, presbyteri, plebei, sed et pueri in plateis hujusmodi digito demostrarent; alibi autem, ubi non est timor, nominantur et excommunicantur, et presertim in Curia Romana. Cur ergo ad Curiam non vadunt, ubi se deberent de infamia expurgare? neque opus est, ut per alios ostendantur, cum ipsi per se, contra consilium doctorum in scripto replicantes „tales quidamistas esse se ostendunt cum palam et expresse" tribus veritatibus generalibus „in consilio doctorum contradicentes, pro funda- mento positis catholice credendis vel tenendis nedum non consentiunt sed contradicunt unde non esset necessarium aliquos testes vel documenta requirere cum ipsis per suum scriptum de se hoc plenissime fateantur.“ — „Item in secundo articulo impliciter negant papam et cardinales esse veros et manifestos Petri et apostolorum successores super terram vel ad minus in dubium ponunt papam caput et collegium cardinaliam corpus ecclesie Romane et causas allegaat primo quod nemo scil“ etc. In quibus causis, quas allegant, expresse innuunt, quod si papa, episcopus vel prelatus est in peccato mortali vel prescitus, quod tunc non est papa, episcopus vel prelatus. Ecce grossi Qui- damiste, quia boc est error maxime insanus, qui totum regnum Christi et ecclesie super terram perturbaret, cum nemo sciret, quis esset suus papa, suus episcopus, suus pastor vel pre- latus, cui subesse debeat, eo, quod de nullo tali sciretur, an sit in gratia et ab omni peccato mortali alienus, et maxime an sit prescitus vel predestinatus; et sic quilibet haberet dubitare de quolibet presbytero, et sic, an conficiat vel alia porrigat sacramenta. Et sic quilibet de se ipso, an sit baptizatus, et per consequens, an sit Christianus. Quod est nimis perturbare religionem Christianam. Insania autem hujus erroris ostenditur rationibus et autoritate. Primo sic. Malitia