OBERHOF-ENTSCHEIDUNGEN A. SPR. NO. 53. 397 wurtikait ains munzmaisters, des hoffmaisters, der obristen steiger, des merertails ains rates und auch vil gemainer leut, und wir die auch manch jar und tag in gewer und in gewalt gehabt haben besessen und gepaut mit gewin und mit vorlust, wie das gots willen gewesen ist, und haben dem eldern gemessen perge mit schaden mussen weichen: ab man uns nu unserm gemessen perg under der erden auch seine recht und lehen von der stuff geben und zihen schol, und ab icht, wer* in den lehen, es wer ain stuff (sic) ader anders imands, begriffen wurde, pilleichen weichen schol, als wir haben weichen mussen dem eldern gemessen perg, mit pesserm pilleichrem 10 rechten, denn das imant dawider reden* schulle ader muge, ader was darumb ain recht sei. (15) Da trat dar Kronl perkmaister zun sechslehen und seine gewerken und vorantwort sich und seine gewerken kegen der clag, die Jakob vom Rosental gevellet hat, als hernach geschriben stet in sulchen worten: Liben herren, 15 es ist gescheen zu zeiten und zu weilen, das ich derfur, wi das sich die sechslehen ledig legen, und pat darumb den hofinaister, mein hern die scheppfen und die hern von der gemaine, die zu den zeiten waren, das sie mir und meinen ge- werken geruchten ezu leihen, wenn ich sie pauen wold meinem 20 herren dem kunige, mir und meinen gewerken zu nutz und zu frummen, und begerten darzu des briefs, den die zwen perkmaister paide von Sent Andres und auch vom Czappenschu daruber hatten gehat, wenn ich die pawen wold in aller weis, als der prief daruber lautel; wenn sich die egenanten zwen perkmaister desselben 25 priefs mitsampt den sechslehen ploslichen hatten vorzihen. Die wurden mir gelihen, und der prief wart mir auch geantwort, den ich noch heut in gewer und in gewalt habe und auch meine gewerken. Und, liben herren, also als under andern artikeln in demselben redleich begriffen ist, das der steiger von sechslehen 30 faren schol und mag zu Sent Andres und besehen, ob die von Sent Andres den sechslehen icht czu schaden pauten, und mag sie wider in ir lehen treiben mit dem rechten, und herwider mag und schol der steiger zu Sent Andres von seiner gewerken wegen dasselbe thun ezu den sechslehen, das widerrette der perkmaister von Sent Andres und wolde mir des nicht gunnen. Das clagte ich meinen hern den schepfen. Darzu berufften sie die herren von der gemaine und auch die eldisten und machten do mit 5 35