392 OBERHOF-ENTSCHEIDUNGEN 4. SPR. NO. 53. gnedigen herren des kunigs urbar und uber das neuntail volgen und bleiben wirt, das schullen paide Jacob vom Rosental und seine gewerken und Cristoff Vorsucher und seine gewerken gleich mit einander tailen, als oft sich das geburen wirt. (3) Und wer denn sach, ob die lehenhewer von Sent Andres ader die lehen- hewer vom Czappenschu in den egenanten sechslehen mit offen durchslegen zusammen quemen, so schullen dieselben lehenhewer die lehenschaft zu hauf legen und schullen davon geben und leiden das vorgenante neuntail, wem sich das wird gepurn. Und 10 die aigenschaft schullen sie geben und raichen den gewerken von Sent Andres und vom Czappenschu ungehindert. (4) So schol der schacht, den die vom Czappenschu zu einem frein enpfangen haben, bleiben denselben gewerken zum Czappenschu. und derselb schacht schol auch sein und bleiben ain stende stuff 15 zwischen dem Czappenschu und den egenanten sechs lehen. Und dieweil der schacht zum purgerlehen nicht niderkumpt noch gefertigt wirt, di weile schullen di sechslehen ire forderunge haben zu dem egenanten schacht mit perk, mit wasser und mit ander perkleicher notdorfft also lange, uncz das sie mit dem 20 schacht zum purgerlehen niderkumen und den vertig machen. Und der schacht, den der Pasler ingeslagen hat, schol angehorn die von Sent Andres, er sei in denselben lehen zu Sent Andres ader nicht. Und do die siben lehen wenden zu Sent Andres do schol auch sein ain stende stuff zwischen derselben gruben 25 zu Sent Andres und zwischen den vorgenanten sechslehen in zukunftigen zeiten. Auch schullen die sechslehen ire furderunge haben durch denselben schacht mit perk, mit wasser und mit ander perkleicher notdorff als lang, uncz das das purgerlehen niderkumpt und gefertiget wirt. (5) Auch schol der steiger von den sechslehen, wer der sein wirt, haben vollen gewalt und 20 macht, in Sent Andres und in dem Czappenschu zu faren, wenn er wil, das di von Sent Andres und dem Czappenschu den ob- genanten sechslehen icht zu schaden pawen, und schol die wider in ir lehen treiben. Auch schullen die steiger von Sent Andres und vom Czappenschu faren in die sechslehen, das in doraus 35 auch nicht zu schaden gepawet werde. (6) So haben die ob- genanten ratleute den Niclas Silber zu den obgenanten sechs- lehen von paiden tailen wegen und auch von der gemaine wegen 5