1399. 57 Marie in Usk super Albea, ibidem presenti quinque sexagenas grossorum denariorum Pragensium census annui et perpetui de et super curia et agricultura, in pratis, rivulis, silvis, rubetis in villa Viklicz inferiori et omnibus pertinenciis ad dictam curiam et agriculturam, prata, rivulos, silvam, rubeta spectantibus, dominio supremo pro ipsis dumtaxat reservato, justo titulo empcionis et ven- dicionis vendidisse et sibi in toto per eundem dominum Paulum satisfactum pro eodem censu fuisse realiter et cum effectu. quem quidem censum prefatus Henricus Zubak per se et heredes et successores suos dicto domino Paulo et suis successoribus dicti altaris rectoribus per medium in duobus terminis, videlicet sanctorum Georgii et Galli et tribus diebus post quolibet anno dare et solvere ac eundem censum a quolibet impediente disbrigare sine contradiccione promisit de pre- scriptis curia et agricultura, pratis, rivulis et censu sub excommunicacionis pena, cui se, heredes et successores suos dictorum bonorum possessores sponte et libere submisit renuncians quo ad premissa omnibus defensionibus juris et facti. quem quidem censum prefatus dominus Paulus pro se et altari suo predicto recipiens ipsum censum aput dictum altare perpetuo remanere decrevit sub modis et condicionibus infrascriptis. primo quod omnes rectores altaris predicti, qui fuerint pro tempore post ipsum dominum Paulum, pro remedio et salute anime ipsius domini Pauli, pro- genitorum et predecessorum suorum et aliorum Cristi fidelium, qui se ipsius oracionibus commen- daverint, nec non omnium fidelium defunctorum quatuor anniversaria in anno faciant et expediant, videlicet singulis quatuortemporibus in predicta eclesia sancte Marie, ubi de vespere vigilie trium leccionum et in crastino una missa cantabuntur et alie sex misse defunctorum legentur. in quibus anniversariis rector altaris predicti de prescriptis quinque sexagenis grossorum census distribuet infra scripta: primo plebano, qui fuerit pro tempore, quinque grossos, item tribus vicariis et tribus altaristis ejusdem eclesie cuilibet per ii grossos, et hoc illis, qui presentes vigiliis interfuerint et missas celebraverint, excepto plebano, qui, ubicunque fuerit constitutus, prescriptos grossos quinque percipiet. si vero aliqui vicarii vel altariste fuerint absentes sine causa legittima, de qua causa plebano non constiterit, illa pars absencium pauperibus ante fores eclesie et scolaribus ad scolas pro pane propter deum erogetur et distribuatur. item unum grossum pro pauperibus pro pane ante fores eclesie distribuet cum scitu plebani ultra superius expressa. et hoc in quolibet anniversario dictorum quatuor anniversariorum per altaristam, qui fuerit pro tempore, dicti altaris inviolabiliter observetur et expleatur cum effectu sub excommunicacionis pena. hoc adjecto, quod eciam ipse altarista in quolibet anniversario predictorum anniversariorum campanario dabit unum grossum et unam libram cere pro candelis fieri consuetis pro anniversariis et offertoriis et pro offertorio unum grossum. quo facto supradictus dominus Paulus altarista suo et altaris sui nomine petivit per dictum dominum Nicolaum Puchnik vicarium predictum censum quinque sexagenarum de et super bonis superius expressis dicto altari et rectoribus ipsius perpetuo annectere, unire, applicare, inviscerare et incorporare ac dictam disposicionem et ordinacionem suam in omnibus suis punctis, condicionibus et articulis, prout superius sunt descripta, approbare, ratificare, auctori- zare et auctoritate ordinaria confirmare. et dominus Nicolaus Puchnik vicarius in spiritualibus considerans dictam disposicionem et ordinacionem ex zelo devocionis procedere et in divini cultus augmentum evenire, predictum censum quinque sexagenarum superius designatum et descriptum dicto altari et rectoribus ipsius applicavit, univit, invisceravit et incorporavit omniaque et sin- gula superius descripta in suis punctis condicionibus et articulis approbavit, ratificavit et auctori- tate ordinaria confirmavit dictumque censum quinque sexagenarum superius descriptum dicto altari et rectoribus ipsius deinceps et inantea juris eclesiastici et non mundani decrevit reputandum. acta sunt hec anno domini MCCCLXXXXIX die VII mensis marcii, presentibus discretis viris Martino Hess, Valentino de Sadek notariis publicis et Wenceslao de Pomuk clerico. Libri erectionum V f. 6 b. — Borový, Libri erect. V. S. 501.