1476. 127 [278.] König Wladislaw verleiht dem Rathe der Stadt Aussig das Recht, mit rothem Wachs zu siegeln. 1476, Jänner 4. Prag. 1476 Jänn. 4. Wladislaus dei gracia Bohemie rex, Moravie marchio, Lucemburgensis et Slesie dux ac Lusacie marchio etc. notum facimus tenore presencium universis, quod pensatis fidelitate et con- stanti nobis assistencia providorum magistri civium, consulatus et communitatis civitatis nostre Ausk super Albea, fidelium nostrorum dilectorum, non per errorem aut improvide, sed animo deliberato, ex certa nostra sciencia, auctoritate regia ipsis hanc graciam specialem damus, faci- mus et concedimus, videlicet ut consulatus ejusdem civitatis et communitatis presentes et futuri omnes et singulas proscriptiones, litteras ac quevis negocia ipsis necessaria, prout eisdem vide- bitur opportunum, cera rubea sigillare libere possint et valeant, omnium quorumcumque contra- diccione proculmota perpetuis temporibus in futurum. nulli ergo omnino hominum liceat hanc paginam nostre donacionis et indulti quovis modo infringere aut ei ausu temerario quomodolibet contraire sub pena indignacionis regie, quam contrafacientes noverint se irremissibiliter incur- suros. presencium sub nostri regalis sigilli appensione testimonio litterarum. datum Prage die quarta mensis januarii, anno domini millesimo quadringentesimo septuagesimo sexto, regni nostri anno quinto. [Auf dem Bug rechts:] Ad mandatum domini regis. [Aussen:] Rta. Original-Pergam. im Stadtarchiv zu Aussig. An Pergament-Pressel das wohlerhaltene rothe kön. Siegel in weisser Wachsschale. [279.] König Wladislaw erneuert der Stadt Aussig das Recht zur Führung des Stadt- wappens. 1476, Februar 12. Prag. 1476 Febr. 12. Wladislaus dei gracia Bohemie rex, Moravie marchio, Luxenburgensis et Slesie dux ac Lusacie marchio etc. notum facimus tenore presencium universis: pro parte providorum magistri civium, consulatus et communitatis civitatis nostre Ausk super Albea, fidelium nostrorum dilecto- rum, est nobis expositum, qualiter ipsi ab antiquo dono regio divorum antecessorum nostrorum obtinebant arma seu insignia, quibus hactenus utebantur in sigillo et aliis opportunis dicte civi- tatis et communitatis negociis, infra descripta, videlicet scutum rubei coloris, in cujus medio leo albus cum caudis duabus se intersecantibus cumque earumdem nodis et extremitatibus pedum glaucis, caput galea inferius loricata habens indutum, esse conspicitur, supra quam galeam sunt due ale protense similiter glauci coloris, quemadmodum manus pictoris his litteris nostris hoc ipsum clarius inseruit. quia autem, ut didicimus, dicte civitatis Ausk litere testimonii desuper vetustate et malicia temporum sunt absumte et perdite, ideo cupientes et volentes, ut incole ejusdem civitatis presentes et futuri, utcumque accidit, ab antecessoribus nostris digne parto honore libere utantur et fruantur signanter ob eorum fidem et constantem nobis et corone regni nostri assistenciam, non per errorem aut improvide, sed animo deliberato, cum sano consilio nostrorum procerum et fidelium ex certa nostra sciencia auctoritate regia usum predictorum armorum et insigniorum hic descriptorum jam dicte civitatis Ausk, consulatui quoque et commu- nitati ejusdem pro tempore existentibus approbamus, ratificamus, innovamus et confirmamus ac eadem arma denuo ipsis graciosius damus, conferimus et concedimus, decernentes eadem auctori- tate regia, ut consulatus ejusdem civitatis et communitas dictis armis libere uti, frui et gauderë debeant et possint in sigillo civitatis, vexillis, banderiis, scutis, sollempnitatibus et triumphis ac generaliter in actibus, locis, ceteris quoque quibuscunque oportunitatibus eorum, joco vel serio factis universis et hoc semoto quovis quorumcumque impedimento perpetuis temporibus in futurum.