172 1403. Anno Domini m.cccc.iii incepit notabilis dissensio in clero regni Bohe- miae, magistris, sacerdotibus et praelatis, propter quosdam articulos, ex Iohan- nis Wiclef, doctoris Anglici, non bene extractos (1). PALACKY, Documenta, etc., p. 730. 1406. Item, anno m.cccc.vi, D. Zbynko, archiepiscopus Pragensis (2), edidit statutum, et eodem anno in synodo publice mandavit, quod quicumque prae- dicaret, assereret vel disputaret errores Wicleff, in certas ibidem nominatas incideret poenas. Ibidem. 1408, post 15 Iunii. Querimonia cleri archiepiscopo Pragensi (Sbynkoni) contra magistrum Joannem Hus. Ibidem, p. 153. 1409. D. Zbynko contra M. Joannem Hus, praedicatorem in capella Bethle- hem, exhibet ex officio articulos, quibus medio iuramento responderi mandat. Ibidem, p. 164. 1410, 30 Septembris. " Sanctitati vestrae supplicamus quatenus dignetur pro- cessus huiusmodi (contra M.Ioannem Hus) tollere... Volumus etiam quod capella Bethlehem, quam pro praedicatione evangelii libertavimus, in suo stet vigore et confirmetur, sic quod mag. Iohannes Hus, capellanus noster fidelis devotus dile- ctus, ad eamdem capellam confirmatus, pacifice praedicet verbum Dei. „ Wen- ceslaus Iohanni XXIII. — Ibidem, p. 422. 1411, Februario. Dominus Cardinalis Commissarius (Otto Columna, postea Martinus V), de mense Februarii anni m.cccc.xi, eumdem M. Iohannem Hus, contumacem et non comparentem ac inobedientem, in scriptis excommunicavit et excommunicatum fecit denuntiari. Ibidem, p. 202. 1411, 15 Martii. Die dominico quo canitur Oculi, videlicet XV die Martii, denuntiatus est M. Iohannes Hus in omnibus ecclesiis Pragae, praeterquam in ecclesiis S. Michaelis et S. Benedicti Maioris Civitatis Pragensis. Ibidem, p. 735. 1412, Decembri. Ioannes Hus de anno Domini m cccc xii propter rebellio- nem et inobedientiam suas fuit de civitate Pragensi expulsus (3). Ibidem, p. 203. 1413, 2 Februarii. Iohannes XXIII libellos, tractatus et opuscula Ioannis Wicleff damnat et reprobat, et igne iubet publice concremari. MANSI, p. 505. 1414, 24 Septembris. Articuli quos fecerunt Parisienses (Ioannes de Gersono et alii magistri) contra M. Ioannem Hus. Documenta, p. 185 et 527. 1414, 3 Novembris. Mag. Ioannes Hus Constantiam venit. “ Stamus in Con- stantia in platea, prope Papae hospitium. „ PALACKY, Geschichte, p. 318. 1414, 5 Novembris. Solemnis inchoatio Concilii Constantiensis. MANSI, p. 532. 1414, 4 Decembris. Iohannes XXIII tres Commissarios ad instruendam M. Ioannis Hus causam constituit. PALACKY, Geschichte, p. 330. (1) Scriptor erat Hussita. In generali congregatione Universitatis Pragensis, 28 Maii 1403 habita, lecti fuerant 45 articuli, ex libris Johannis Wiclef extracti, et sancitum, ne quis eosdem docere posset. (2) Zbynco seu Zbyneck de Hasenburg, praepositus Melnicensis, 29 Novem- bris 1409 archiepiscopus Pragensis electus, 28 Septembris 1411 mortuus. (3) Apud locum Kozí hrádek exsulavit, ubi nonnullos tractatus scripsit.