171 omnia haec clariora simul et certiora fiant, ex causa Johannis Hus et ex gestis Taboritarum ea ex ordine referam, quae magis ad rem esse videbuntur. Post documenta vero quae ad Martyres ipsos spectant, omnia quae ad eorum causam introducendam et promovendam acta sunt, referam, animadvertens tamen admodum pauca inventa fuisse cultus vestigia. Quod facile explicatur variis vicibus monasterii D. Annuntiatae. Post restaurationem enim anni 1436, ut iam alibi dictum est (1). coenobium illud nunquam refloruit, (remanebat enim in populo fermentu modii adversus religiosos), ita ut anno 1554, exstinctis fratribus, vicino collegio Carlocuriensi unitum fuerit. Anno autem 1611 Passa- viensium procella rursus pessumdatum fuit, nec nisi anno 1669 a fratribus Servorum rursus habitari potuit. Sed tunc, fratres decepti falsa interpretatione decretorum Urbani VIII de Sanctorum honoribus sine Sanctae Sedis licentia Servis Dei non tribuendis, Martyrum cultum promovere non ausi sunt, prout ex illorum agendi ratione anno 1732 apparet. Anno autem 1783, suppresso monasterio, ecclesia saecularibus usibus adhibita fuit; et quando anno 1858 restaurata est, solorum amentium usui inserviebat, nec nisi semel in anno populo aperta erat. Scribebam Bruxellis, die 25 Julii 1911. Frater Peregrinus Maria Soulier, O.S. M. DE CAUSA JOHANNIS HUS Johannes Hus in oppido Hus, bohemice Husinec, in districtu Prachi, anno 1369 natus est. Anno 1393 artium, 1394 vero theologiae baccalaureus, 1396 mense Ianuario artium magister, 1398 publicus lector in Universitate Pragensi creatus est. Cum autem Wicleffi libri in Bohemiam propagati fuissent, huius haeretici opinionibus inter primos adhaesit : quod anno 1399, in ecclesia S. Michaelis publice disputando, satis ostendit. Die vero 15 Octobris 1401, Decani facultatis philosophiae, immo 2 Octobris 1402 Rectoris Universita- tis Studii Pragensis officium obtinuit, quod usque ad finem sequentis Aprilis exercuit. Eodem vero anno 1402, die 14 Martii, praedicator in capella Bethlehem investitus, in ea usque ad annum 1410 magno populi concursu praedicavit; quin immo ipse rex Wenceslaus eiusque uxor regina Sophia ad eum audien- dum saepe venerunt (2). (1) Supra, p. 9. (2) FRANZ PALACKY, Geschichte von Böhmen, Dritten Bandes erste Abthei- lung, p. 190-192. Prag, 1845, in-8°. Hic auctor, cum esset protestanticus, Iohan- nis Hus partes contra Ecclesiam catholicam ubique tenet.