237 ex parte saltem servata. Hocce enim anno, divina favente gratia, opera Eminentissimi Domini Cardinalis Friderici Archiepiscopi Pragensis Gratiosissimi (1), atque munificentia Suae Caesareae Regiae Apostolicae Maiestatis Francisci Josephi, pietati catho- licae positum erat, ut ecclesia Slupensis, ab a. 1783 usui profano data, cultui divino restituta et die 2 Februarii a. 1856 in festo Purificationis B. V. M. primum missae sacrificium celebratum esset. Hac occasione, levato inferiori gradu ad cancellos in cornu epistolae, non exigua massa reliquiarum, i. e. ossium hominum, reperta et iterum in hoc loco piissime conservata est. Existunt adhuc in Bohemia duo coenobia Servitarum, alterum Grulichii in diocesi Reginoheodecensi, alterum Neo Castri in diocesi Budvicensi. Praepositi amicissime requisiti, ut commu- nicarent documenta martyrii historiam tangentia, magno cum dolore reposuerunt in litteris allegatis igne consumptum fuisse archivum Ordinis a. 1846, Grulichii solummodo picturam ad similitudinem eius, quae Pragae in monasterio S. Elisabeth ser- vatur, in pariete super ianuam cuiusdam cellae esse videre. Wyssehradii, die 28 Aprilis a. 1856. L. †S. Adalbertus Ruffer capituli et ecclesiae SS. Apostolorum Petri et Pauli Collegiatae Decanus. Copia documentorum, f. 111-116. Summarium, p. 3-10. 1856, Octobris 16. Relatio tum domini Tomek, tum domini Adalberti Ruffer, a Consistorio Pra- gensi Romam ad R. P. Maurum Schrutta, Definitorem Generalem Ordinis Mino- rum, mittuntur. Vide infra, p. 240. 1882, Decembris 1. Fr. Petrus Franciscus Maria Testa, Ordinis Servorum B. M. V. Prior Genera- lis, Revmum Patrem Mag. Andream Mariam Corrado constituit et declarat Procu- ratorem, Actorem et Postulatorem generalem ad promovendas et pertractandas in Romana Curia causas Beatificationum et Canonizationum Venerabilium et Beatorum Ordinis eiusdem : dat igitur illi omnes necessarias et opportunas facul- tates. (1) Emus Fridericus Coelestinus von Schwarzenberg, 20 Martii 1850 electus, 27 Martii 1885 mortuus.