174 Documenta, mag. Ioannis Hus vitam, doctrinam, causam in Constan- tiensi Concilio actam, et controversias de religione in Bohemia annis 1403-1418 motas, illustrantia, edidit FRANCISCUS PALACKY, regni Bohemiae historiographus. Pragae, 1869, in-8°, 768 pag. IOANNES DOMINICUS MANSI, Sacrorum Conciliorum nova et amplissima collectio, t. XXVII. Venetiis, 1784, in-f°. Extracta ex Laurentii de Breczina Chronica Hussitica (1). Anno Incarnationis Dominice m.cccc.xiv, venerabilis ac divi- nissima communio eukaristie sub utraque specie,panis scilicet et vini, populo communi fideli ministranda, per venerandum ac egregium virum magistrum lacobellum de Misa, sacre theologie baccalarium formatum (2), et aliquos sibi tunc in hac materia as- sistentes sacerdotes, est inchoata in urbe inclita et magnifica Pragensi, primum quidem in ecclesiis Sancti Adalberti in Nova Civitate, Sancti Martini in muro, et Sancti Michaelis ac capella in Bethleem in Civitate Antiqua Pragensi. Item, anno eodem (1419), dominico die post Iacobi, alias XXX die mensis Iulii, magister civium et consules aliqui Nove Civi- tatis cum subiudice, communionis calicis emuli, per communem populum et Iohannem Ziskam, regis Bohemie prefati (Wenceslai) familiarem... sunt de pretorio Nove Civitatis enormiter deiecti et atrociter mactati et interfecti. Item, feria V post Assumpcionem Beate Marie Virginis, alias die XVII mensis Augusti, sequenti scilicet die post mortem regis Wenceslai, quidam ex populo communi... per ecclesias ac mona- steria, in civitate sita Pragensi, omni timore postposito, discur- rebant, et organa ac ymagines ecclesiarum, praecipue illarum in quibus communio calicis minime adhibebatur, plebanis eccle- siarum ac religiosis fugam ineuntibus... confringebant, commi- nuebant ac violabant. (1) Laurentius de Brzezowa seu Breczina, Civitatis Pragensis cancellarius, utraquista moderatus, coaevus scripsit hanc chronicam usque ad a. 1433. (2) Palacky, Geschichte, t. III, p. 333, nullatenus fundatam esse ostendit nar- rationem qua cuidam Petro de Dresda, ecclesiae S. Michaelis ludimagistro, tri- buitur prima origo communionis sub utraque specie in urbe Praga. Omnia enim illius temporis scripta ad unum designant Jacobellum de Misa tanquam primum et unicum auctorem istius praxis. Corrigenda ergo quae supra, p. 13, post Ham- merschmid retuli.