216 valeant haberi, ex antiquitate videlicet originalis, ex illius con- servatione, ex peritorum recognitione, et similibus; et in hoc adhibenda est quaelibet possibilis diligentia. Insuper exquiren- dum erit in archivis dicti conventus ac etiam in aliis, an extet aliquod aliud documentum sive monumentum antiquum, concer- nens missionem supra memoratam quascumve alias ex circum- stantiis praenarratis, vel habeantur historiae antiquae et legales, quae conferre possint ad intentum et suo tempore compulsari. Et cuncta quae reperiri poterunt, erunt significanda. Tertio, Pragae ac in aliis Germaniae locis, exacta erit adhiben- da dilligentia, utrum aliquae reperiri queant memoriae, con- cernentes hoc martyrium et individuationem quarumcumque circumstantiarum eius et nominum passorum, videlicet ex an- tiquis documentis et monumentis, ex historicis pariter antiquis circa haereses Hussitarum, Wiclephi, Thaboritarum, Adamitarum et Orphanorum, circa istorum bella et persecutiones contra catholicos in regnis Germaniae, Hungariae et Bohemiae, ac cir- ca illarum confutationes, quibus historiis Germania solet affluere : nam quaecumque similia documenta, monumenta et historiae, praesertim antiquiores et martyrio viciniores vel contempora- neae, poterunt haberi, compulsari debebunt. Itidem erit potis- sime observandum an reperiri possit aliqua notitia supra recen- siti patris Gherardi Storberae, quod scilicet revera vixerit anno 1420, utrum adsit de illo aliqua scriptura seu memoria, et quae, ita ut vel ex istis, vel alicujus earum comparatione seu com- binatione, confirmari valeat identificatio supradictae eius epi- stolae; ac de singulis transmittenda erit exactissima notitia. Circa historias praetactas diligentiae poterunt adhiberi etiam hic in Urbe in celebrioribus bibliothecis, et apud viros in iis ver- satos, cumulando in materia, de sui natura gravissima, quascum- que notiones non solum historicas, sed cuiusvis alterius generis reperibiles, ac signanter videndi erunt : Aeneas Sylvius Picco- lomineus, alias Pius II, in historia Bohemiae, cap. 52 et 62, et alibi; Hagezius pariter historicus Bohemiae; et Botius (1): de qui- bus meminit Romerus, referens eorum dicta, multum conferen- tia tam ad probationem martyrii quam illins causae. Et quoad missionem apostolicam Servorum Dei Senensium, perscrutari quoque poterunt Regesta Brevium et Epistolarum Apostolicarum tempore Martini V, ad effectum videndi utrum forte super illa fuerit expeditum aliquod breve seu aliquae pro- dierint apostolicae litterae. (1) Fr. Peregrinus rivulum Boticz cum homine confundit.