428 ANNUS II63. eosque ſacra Silevcii (Sileſiæ) donat provincia tam ob gratiæ inſigne, quam ob orbitatis ſolatium. Sed nimis arroganter hæc Kadlubecius, multoque arrogantius Dlugoſſus ad h. a.: qui neſcio quem gigantem bello Mediolanenſi a Boleslao exule filio Wladislai devictum ſomniat atque idcirco Imperatorem inductum fuiſſe, ut illi portionem ali- quam Poloniæ a patruo emendicaverit. Sed alia prorſum fuit ra- tio, cur Boleslaus tandem fratris filiis Silefiam reftituerit. Erat ad- huc ab anno 1157. apud Imperatorem obſes Miecislaus frater Bo- leslai Ducis, erant complures alii ex ſumma nobilitate Polona, quos Imperator anno 1158. in Italiam profecturus arctiſſime cuſtodiri præcepit : hi ut captivitate ſua liberarentur, non ſuperfuit Boleslac aliud remedium, quam Wladislai fratris filiis, propter quem bis atron bellum ſuperioribus annis sibi illatum fuit, & qui hactenus ſumptibus Imperatoris alebantur, paternam hereditatem restituere. Exterruit præ- terea procul dubio Polonos,cum tot Italiæ geſtis inclytum Imperatorem victorem rediviſſe, curiamque ſibi ab eo indictam, ut idem Chronicon Montis Sereni perhibet, intellexerunt; quem ne rurſum ad bellum ſibi inferendum irritarent, filios Wladislai recipiendos statuerunt. Quoni- am vero Imperator rurſum in Italiam festinaverat,initioque Octobris eo iter ingreſſus fuerat, curia Polonis indicta ſuſpenſa, & uſque ad an- num 1166. dilata fuit, quo demum anno rebus compositis Fridericum Boleslao penitus reconciliatum fuiſse suo loco ostendemus. Hæc qui- dem ad posteriorum temporum historiæ patriæ elucidationem hic ap- ponere neceſſum erat, cum hæc propria Ducum Silefiæ gentis Pia- ſteæ ſit epocha, hocque ipſo anno Sileſia in duos Ducatus diviſa fue- rit, ita ut inferioris plagam Boleslaus Altus, ob proceritatem cor- poris ita appellatus, ſuperioris plagam frater ipſius Miecislaus acce- perit. Nam quod de Conradi fratris tertia parte Dlugoſfus, ejusque ſectarores garriunt, veritate haud nititur, Conradus enim tertius na- tu Wiadislai exulis filius jam monachum profeſſus fuerat, ut ipſe Ka- dlubecius c. 1. rite adnotavit. His adnectendum Alexandrum III. hoc ipſo anno Turonis in Francia concilium celebraſſe, cui inter ce- teros Præſules interfuit Conradus Metropolita noſter, quem Alexan- der Papa Romam aſſumptum Cardinalem epiſcopum S. Sabinæ crea- vit. Quo audito (inquit Romualdus Archiepiſcopus Salernitanus) Im- perator ira commotus, Chriſtianum Cancellarium fuum, quem ante reprobaverat, in ſedem Moguntinam reſtituit, imo intruſit. Li-