141 Iesco de Monte, Wenczeslaus Geunheri, Nicolaus Gentes, Mathias de Turnow, Cunczlinus Reissenkitel, Procopius Vlmanni, Bernhardus pistor, Vla Czotter, lesco Rotonis, Franciscus Glaser, Bohunco sub Zderasia, Georius Longus, Iohlinus aurifaber, Michahel cerdo, Pesco drobnik, Hasco pannicida, Pesslinus Tursmid et Hainlinus brasiator, jurati cives Maioris civitatis Prag., recognoscimus publice per presentes, quod post unionem civitatum discretus vir Henricus quondam notarius Novecivitatis Prag. lite- ram sigillatam maiori sigillo tunc civitatis Nove datam sub anno D. MCCC sexagesimo in vigilia sanctissimi Corporis Cristi nobis salvam et integram presentavit, cuius tenor sequitur in hec verba. Nos Wolframus Meinhardi judex, Bohunco Sulkonis, Nicolaus de Eylow, Nicolaus Dirnda, Heinricus Mostil, Meinlinus Heringer, Valentinus humulator, Iacobus Krzemenicz, Pesco drobnicz (sic), Michahel cerdo, Maczko in Porziecz, Iesco currifex, et Bohunco in foro porcorum, jurati cives Nove civitatis Prag., ad univer- sorum, quos presens tangit negocium vel tangere poterit quomodolibet in futurum, presentibus deducimus nocionem, quod coram nobis inter quatuor scampna judiciaria constituti discretus vir Iohlinus de Prux, civis Nove civitatis Prag., nec non Kunigundis eius conthoralis suo, heredum et suc- cessorum suorum nomine palam recognoverunt, se unam marcam gravem grossorum Prag. denar. sexaginta quatuor grossos pro marca computando vel tantum de argento puro, si medio tempore moneta fuerit immutata, census annui et perpetui ab omni exaccione, contribucione, steura, collecta ac aliis oneribus civitatis quibuscunque, que per dictum Iohlinum vel eius successores compleri debent, exemptam, super domo curia et area ipsorum et pertinenciis sitis in parochia s. Michahelis ibidem in acie prope domum Snybergerisse dicte civitatis discreto viro magistro Henrico, notario Nove civitatis Prag, ementi et recipienti pro se heredibus et successoribus suis, pro decem sexag. gross. Prag. predictorum, dicto Iohlino et Chunigundi eius conthorali iam in parata et numerata pecunia persolutis, hereditarie rite et racionabiliter vendidisse ad tenendum habendum utifruendum et disponendum cum marca predicta inantea nunc et semper, quicquid ipsius placuerit voluntati, quam quidem empcionem et vendicionem predictus Iohlinus una cum conthorali ipsius ratam gratam habuerunt atque firmam, cuius quidem census predicti medietas videlicet XXXII grossi in festo s. Galli venturo proximo et alia medietas in f. s. Georii deinde secuturo et sic deinceps annis singulis dari et persolvi debent tantum in grossis in omnem eventum opposicione et prorogacione dictorum Iohlini et Chuni- gundis quibuslibet postergatis. Quociens autem et quando in aliquo pre- dictorum termino terminorum huiusmodi census non fuerit persolutus, extunc statim die altera quatuor grossi pene nomine supercrescent. Elapsis autem octo diebus continuis a quolibet predictorum termino terminorum censu huiusmodi cum pena nondum persolutis, extunc prememoratus mag. Heinricus notarius nostre civitatis predicte vel ipsius successores plenam et liberam habet et habent potestatem, domum, curiam et aream cum