111 racionabilem quam devotam, de dicta eorum donacione tam liberaliter tamque sincere nobis facta grati ut dignum est existere volentes, pre- dictorum defunctorum nomina singula singulis diebus sue defunccionis in libro, quo nostri defuncti fratres scribi solent, studuimus innotare, ut, cum eorum nomina in singulorum suis anniversariis in nostro recitantur capitulo, singularia pro eis suffragia omnibus nostris fratribus tam clericis quam laicis iniungantur. Promittimus insuper sinceriter bona fide, quod omnia et singula per prefatos Vlricum et Conradum ordinata faciemus adiungentes, quod in singulis premissis anniversariis diebus, quibus magis opportunum prefato nostro conventui dari poterit, servicia prelibata eisdem eciam diebus predicta anniversaria cum vigiliarum obsequiis et missarum sollempniis iuxta nostri consuetudinem ordinis peragemus. Si autem quod absit con- tingeret, quod absque racionabili causa per nos vel nostros successores aliquo anno predicta ordinacio non servaretur ut prescribitur, extunc idem octo sexagenarum census mox ad hospitale in pede pontis absque nostra quavis contradiccione debebit perpetuo deputari in similes ibidem usus diebus et annis, prout superius exprimitur, convertendus, qui se ad omnia et singula prescripta grata et rata servanda similiter obligabunt. In quorum omnium evidens testimonium et robur magis validum presentes nostrorum sigillorum munimine literas fecimus roborari. Datum in nostro monasterio anno Dom. MCCCLIX. in vigilia dominice Annunciacionis. Pečeti opata a konventu dobře zachovalé. — (Orig. kláštera Zbraslavského, nyní v Klement. knihovně čís. 281.) 157. Prodej dvou třetin dědictví ve vsi »Belina« klášteru Zbraslavskému. 1359, 28. Mart. Kutná Hora. Nos Enderlinus Leul judex pro tunc ac juratus, Theodricus dictus Resch monetarius, Friczschko Stalek, Henslinus Ruthardi, Nicolaus Eylawer filius Vlmanni, Hainmannus dictus Pewerl monetarius, Chunczmannus dictus Ruessweyn, Henslinus Creusil ceterique jurati Montis Chutn. recognoscimus protestantes tenore presencium universis modernis et futuris, quod providi viri Jeklinus de Rosental, Vluschius dictus Wunderweyn et Henslinus dictus Schick eciam monetarius, nostri concives, matura deliberacione prehabita ex parte sui ac omnium heredum suorum nec non aliorum suorum amicorum quorumlibet, quorum interest aut interesse posset vel deberet quovis modo in futurum, de consilio bonoque consensu eorumdem rite ac racionabiliter vendiderunt resignaverunt iustoque vendicionis tytulo tradiderunt duas tercias partes hereditatis, que olim fuit Henslini et Peschlini fratrum dictorum Slosser, nostrorum quondam eciam concivium bone memorie, in villa Belina situata cum singulis suis pertinenciis ac iuribus, quibus nominibus censeantur aut in quibuscunque rebus consistant, que quidem due tercie partes ad