118 volo tamen, quod una cum agris, pratis, servitoribus et omnibus eius per- tinenciis imposterum sicut inantea pertineat ad mon. Aule Regie. Et simi- liter ad ipsum pertineat totum illud, quod est positum a dextris rivuli Koczaw a loco, qui opponitur pedi montis predicti usque ad Multaviam, in quibuscunque constitutum sit rebus, pratis, rubetis et littore dextro rivuli Koczaw. Item quod in villa Sczechowicz monasterium Aule Regie habere debeat omnes areas sive domos infra et retro aream vacuam, ubi est de- posicio lignorum, una cum eadem area vacua, videlicet in inferiori parte ville Sczechowicz super litus Multavie, et in eis edificare quicquid placet, aliis areis et domibus libere spectantibus ad mon. de Insula, quodque abbas et mon. de Aula Regia ac homines ipsorum super Multaviam sub domibus et areis sibi iam per me decretis ligna sua locare possunt et quocies placuerit stabilire. Item quod uterque abbas cum suis hominibus utrobique in rivulo piscari possint, non tamen ubique, sed quod abbas Aule Regie cum suis huiusmodi potestatem habeat a loco dicti vadi usque ad signum crucis et cumulos factos in dicta valle, quos ibidem stabiliri et fieri constitui, abbas vero de Insula hoc habeat a dicto signo per descen- sum rivuli Koczaw usque ad Multaviam, ita quod signum, de quo loquor, et cumuli faciendi sint in medio dicte vallis et dimittant in decursu rivuli a loco, ubi dictus vadus est, tantum supra in longitudine quantum infra. Item ..quod neuter dictorum abbatum .. potestatem habeat in dicta valle aliquod molendinum super rivulum Koczaw construendi vel restaurandi destructum. Item volo quod utrique monasterio et suis hominibus in bonis unius vel alterius, que supra nominata sunt, liber sit transitus per vias et stratas publicas per vallem predictam usque ad Multaviam et ad areas mon. Aule Regie supradictas cum curribus et sine curribus, quodque vias illas et stratas possint ambe partes facere, reficere, emendare, amplificare pro sufficienti transitu curruum et non destruere ad omnia ipsorum negocia peragenda sine contradiccione quacunque, querelis, litibus et brigis, que inde et super premissis uni parti ab alia moveri possent, non obstantibus quibuscunque, quas suffocari volo et exnunc irritas esse dico et arbitror et nullius vigoris debere existere... Nec volo, quod unus abbas alteri similiter communiter vel divisim contra huiusmodi pronuncciacionem et arbitrium meum in judicio vel extra virtute alicuius privilegii, prescripcionis bonorum, literarum aut compromissi in alium vel alios antea facti forsitan per eos possit movere litem vel accionem per se vel alios servitores vel rusticos, sed simpliciter unus alteri servet et servari faciat omnia, que su- perius et inferius arbitratus sum, sub penis in dictis literis comprehensis, et nichilominus sub pena excommunicacionis, non obstantibus privilegiis ordinum suorum, coram honor. viro d. officiali Prag, curie rogantes, quod huiusmodi .. arbitrium meum approbet, auctorizet cum interposicione decreti et in actis publicis coram se redigi faciat pro observacione omnium premissorum. Quodque d. officialis Prag., qui pro tempore fuerit, loco et tempore ad instanciam partis, cui non servatur quod premittitur, contra