252 in quadruplum damnantur, et judicium tale similiter adversus eorum heredem exercetur. Si mulier visceribus suis vim intulit, ut abortivum faciat, exulabit. Item si furem nocturnum quis occiderit, ita impunis erit, si parcere ei sine periculo suo non potuit. Item in maleficiis voluntas spectatur, non exitus. Item nihil interest, occidat quis, an cansam mortis praebeat. — Quod ab aliquo poenae nomine exactum est, id eidem restituere nemo cogitur. Si mulier filium vel filiam occiderit, poena parricidii moriatur. 536. De poena occisionis prolis; (licet poena, quam praesens continet sententia, opere non fuerit completa, tamen jurati ad perpetuam futu- rorummemoriam ipsam scribi et notari jusserunt1). (H. 129b. D. 119a. 1.) Cum in Antiqua Brunna mulier infantem, quem genuerat, in Swarczavia submersisset et eadem causa, qualiter dicta mulier esset punienda, quia statim post necem infantis submersus cum matre, quasi in actu sub- mersionis rapta fuit inventus, ad consilium civitatis esset de- voluta, jurati praesentis et anni praeteriti numero vigintiquatuor de dicta poena diversimode sunt locuti. Dicebant enim quidam, cum quibus concordabant jurati ad judicium Antiquae Brun- nae spectantes: quod ipsa mulier non esset aliqualiter punienda ex eo, quod, cum infantem genuisset et proprium jus in eum habuisset, ipsum perimere potuit et necare; quilibet enim in re sua, quod ei placet, facere potest. Alii autem dicebant: quod judicio spirituali esset punienda, quia sicut contractio et solutio matrimonii, sic et prolis peremtio ad forum ecclesias- ticum spectaret. Unde mulier confitendo reatum suum a con- fessore auctoritatem habente poenitentiam deberet consequi sa- lutarem. Ultimi vero dicebant, quod talis mulier diabolica pro delicto tam maximo ac gravissimo, plus quam simplex homicida, poena esset asperrima crucianda, et sicut ipsa mortem pueri sui raram et insolitam ex malitiosa industria procurasset, sic ex parte judicii rara et inconsueta poena esset excogitanda, quod plusquam mortificatrix puniretur: cum illud, quod concepit et peperit, et quod partem ejus substantiae qnodammodo in se habuit, perimere praesumsisset. Dictis igitur tribus viis, ut praemissum est propositis omnes simul jurati in hoc con- 1) Dieser richtige Beisatz fehlt in K. und C.