127 appendenda. Datum Ausaw Anno domini Millesimo Trecentesimo Septuagesimo Primo, die vicesima secunda Mensis Januarii alias feria IIII. die beati Wincencii martiris. (Orig. Perg. 4 h. Sig., wovon das dritte und vierte verletzt, im ständ. Archive n. 61 inter Miscellanea.) 108. Papst Gregor XI. bestätiget die Wahl des Conventualen Andreas zum Abten des Benediktinerklosters in Trebitsch. Dt. Avignon, 7. Februar 1371. Gregorius Episcopus Servus Servorum Dei Dilecto Filio Andree Abbati Monasterii Trebicensis ordinis sancti Benedicti Olomucensis Diocesis salutem et apostolicam benedictionem. Juxta pastoralis officii debitum ecclesiarum et monasteriorum omnium, quorum nobis, licet immeritis, est generalis cura commissa, cupimus utilitatibus salubriter providere. Sane petitio pro parte tua nobis exhibita continebat, quod olim monasterio Trebicensi ordinis sancti Benedicti Olomucensis diocesis per obitum quondam Ade, ultimi eiusdem monasterii Abbatis, qui extra Romanam Curiam decessit, Abbatis regimine destituto dilecti filii conventus eiusdem monasterii vocatis omnibus, qui debuerunt, voluerunt et potuerunt commode interesse, die ad eligendum prefixa ut moris est, convenientes in unum, te monachum dicti monasterii ordinem ipsum expresse professum et in sacerdotio constitutum in eorum et dicti monasterii Abbatem concorditer elegerunt, tuque electionem huiusmodi illius tibi presentato decreto consentiens obtinuisti, electionem ipsam a venerabili fratre nostro Johanne . . Episcopo Olomucensi confirmari auctoritate ordinaria canonice, nisi apostolice reservationes obstarent, et deinde tibi munus benedictionis impendi in hiis omnibus et singulis statutis a iure temporibus observatis, et extunc administrationem bonorum dicti monasterii exercuisti prout exerces pacifice et quiete. Cum autem, sicut eadem petitio subiungebat, tu dubites provisionem dicti monasterii tempore electionis et confirmationis huiusmodi fuisse dispositioni apostolice reservatam, teque propterea posse super hoc imposterum molestari, Nos cupientes tibi, cui apud nos de religionis zelo, litterarum studio vite ac morum honestate et aliis multiplicium virtutum donis fide digna testimonia perhibentur, et statui tuo et dicti monasterii super premissis salubriter providere, tuis supplicationibus inclinati volumus et apostolica tibi auctoritate concedimus, quod huiusmodi electio et confirmatio et quecumque inde secuta perinde valeant et plenam obtineant roboris firmitatem, ac si de provisione eidsdem monasterii nulla per sedem apostolicam reservatio facta foret. Et nichilominus munus benedictionis tibi ut prefertur impensum et quocirca administrationem predictam alias tamen rite per te gesta sunt, ratificamus et etiam approbamus. Nulli ergo &c. nostre voluntatis et constitutionis infringere &c. Datum Avinione VII Idus Februarii Anno Primo. (Aus den Orig. Regesten Gregor XI. pag. 95 im Vatican-Archive, mitgetheilt von Dr. B. Dudík.)