99 sententiam in causa huiusmodi ferri petentibus, prefatus auditor uisis et diligenter inspectis omnibus et singulis actis actitatis, habitis et productis in causa huiusmodi, ipsisque cum diligentia recensitis et examinatis, ac facta super hiis omnibus coauditoribus suis dicti palatii relatione plenaria et fideli, de ipsorum coauditorum consilio et assensu per suam diffinitiuam sententiam pronuntiauit, decreuit et declarauit, prefatas abbatissam et conuentum ab impetitione predicti Woyslai absoluendas fore et eas absoluit. A qua quidem sententia prefati Guillelmi auditoris pro parte dicti Woyslai fuit ad sedem appellatum predictam, idemque predecessor causam appellationis huiusmodi quondam Benuenuto de Vtino, decano ecclesie sancte Marie de Ciuitateaustrie Aquilegensis diocesis, capellano sedis et auditori causarum palatii predic- torum primo et deinde, postquam per eum ad nonnullos actus processum fuerat, bone memorie Guillelmo episcopo Lomberiensi, tunc cappellano sedis et auditori causarum palatii predictorum, audiendam commisit et fine debito terminandam . Qui quidem episcopus, tunc auditor, perperam in huiusmodi causa procedens, predictam diffinitiuam sententiam prefati Guillelmi auditoris per suam diffinitiuam sententiam reuocauit iniquam, ipsas abbatissam et conuentum in expensis coram eo in huiusmodi causa factis nequiter condempnando, ipsarum expensarum taxatione sibi imposterum reseruata, a qua quidem sententia pro parte dictarum abbatisse et conuentus ad sedem extitit appellatum predictam. Postmodum uero dicto prede- cessore, sicut domino placuit, de hac luce subtracto, nos diuina fauente clementia ad apicem summi apostolatus assumpti, causam appellationis huiusmodi a prefata sententia dicti Guillelmi episcopi, tunc auditoris, interiecte, dilecto filio magistro Hugoni Fabri, capellano nostro et auditori causarum dicti palatii, audiendam commisimus et fine debito terminandam . Et deinde, cum dicte partes in Romana Curia essent sufficienter presentes, nos ad instantiam dicti Woyslai eidem Hugoni auditori commisimus, ut in causa huiusmodi tam super petitorio, quam etiam super possessorio procederet eamque fine debito terminaret. Qui quidem Hugo auditor ad instantiam magistri Bernardi de Bugeto, procuratoris dicti Woyslai, una cum dicto Luca in solidum constituti, ita quod non esset melior conditio occupantis, coram eo in iudicio comparentis, magistrum Conradum Henrici, procuratorem dictarum abbatisse et conuentus, ab eis de nouo constitutum, prout eidem auditori legitime constabat, ad dandum et recipiendum libellum in huiusmodi causa per quendam cursorem nostrum citari fecit ad certum terminum peremptorium competentem . In quo prefatus Bernardus coram eodem Hugone auditore in iudicio comparens, dicti Conradi non comparentis contumaciam accusauit et in eius contuma- ciam predictum pro parte sua in huiusmodi causa de nouo dedit libellum et deinde Bernardo et Conrado predictis coram eodem Hugone auditore in iudicio comparentibus et per eos lite in causa huiusmodi legitime contestata ac de calumpnia et de ueritate dicenda in eiusdem auditoris presentia prestitis iuramentis, tandem idem Hugo auditor eisdem Bernardo et Conrado coram eo in iudicio constitutis ad dandum et dari uidendum positiones et articulos, si quos dare uellent in causa huiusmodi, assignauit certum terminum peremptorium compe- tentem. In quo prefatus Benardus coram eodem Hugone auditore in iudicio comparens, prefati Conradi non comparentis contumaciam accusauit et in eius contumaciam quosdam positiones et articulos in huiusmodi causa dedit, idemque Hugo auditor ad instantiam dicti Bernardi 13*