84 Morauie et heredibus seu successoribus Morauie Marchionibus de prefatis bonis et eorum pertinenciis, ut premittitur, vniuersis seruire, parere, obsequi et intendere fideliter tenebimur et debemus, sicut alii fideles feudarii naturalibus et legittimis dominis suis seruiunt, obsecuntur fideliter et intendunt, bonum eorum prosequendo vbique et malum precauendo publice et occulte Presensium sub meo sigillo. (Orig. Perg. 4 häng. Sig. im Landesarchive Miscell. n. 46.) 58. Der Olmützer Kapiteldechant Friedrich subdelegirt an seiner statt in Angelegenheit des Zdérazer Probstes den Abt zu s. Karl. Dt. Olmütz, 18. Jänner 1369. Fridricus miseracione Diuina Decanus Olomucensis Ecclesie exsecutor, siue conser- uator una cum collegis nostris ad infra scripta et inter partes infra scriptas a Sede Apostolica deputatus Honorabilibus Viris Domino Abbati sancti Karoli in Praga Ordinis Regularium Canonicorum salutem in Domino, et mandatis nostris, ymo verius Apostolicis firmiter obedire. Literas nos sanctissimi Patris in Cristo, et Domini Domini Urbani Diuina Prouidencia Pape quinti non rasas, non cancellatas, non abolitas, non viciatas, nec in aliqua sui parte suspectas, more Romane curie bullatas recepisse noueritis, que sic incipiebant: Urbanus Episcopus seruus seruorum Dei, Venerabili fratri Episcopo Wratislauiensis, ac dilectis filiis Olomucensis et sancti Egidii Pragensis Ecclesiarum Decanis salutem et Apostolicam benediccionem. Militanti Ecclesie licet immeriti disponente Domino presidentes, circa curam Ecclesiarum et Monasteriorum omni solercia reddimur indefessa solliciti, ut iuxta debitum pastoralis officii eorum occuramus dispendiis et profectibus Diuina cooperante clemencia salubriter intendamus. Sane Dilectorum filiorum Prepositi et Conuentus monasterii Sderasiensis Sepulcri Dominici Jerosolimitani Pragensis per Prepositum soliti gubernari Ordinis sancti Augustini conquestione percepimus. Sic quoque finiebantur. Quod a data presencium sit vobis, et unicuique vestrum in premissis omnibus, et eorum singulis ceptis, et non ceptis presentibus et futuris, et pro predictis procedere, asci predicta omnia et singula coram vobis cepta fuissent, et Jurisdiccio vestra et cuiuslibet vestrum in predictis omnibus et singulis per citacionem vel modum alium perpetuata legittimum extitisset, constitucione predicta super conseruatoribus, et alia qualibet in contrarium edita non obstante, presentibus post terminum minime valituris. Datum Romæ apud sanctum Petrum nonas Februarii, Pontificatus nostri anno sexto. Post quarum literarum presentacionem fuit nobis pro parte dictorum Prepositi et Conuentus supplicatum, quod vices nostras, donec eas ad nos duxerimus reuocandas, vestro examini committere, et subdelegare curaremus. Nos igitur ipsorum peticionibus merito inclinati, de vestra legalitate et circumspeccione confisi, de qua in Domino fiduciam gerimus pleniorem, vobis per presentes committimus, et subdelegamus vices nostras, donec eas ad nos duxerimus reuocandas. In cuius rei testimonium sigillum nostrum duximus presentibus appendendum. Datum Olomucii anno Domini millesimo CCC.LXIX die XVIII mensis Januarii. (Dobn. Mon. IV. p. 367.)