19 uencia et assensu dicte domine Helene sororis nostre in ipsius vita plenam habet et habere debebit disponendi facultatem . Cum vero ab humanis rebus fuerit exempta, tunc antedicta marca grossorum predictorum in dicte domine Helene sororis nostre anniuersario diuidi et dari debet inter Canonicos et ministros Olomucensis Ecclesie prout supradictus dominus Woythiech ordinauit et disposuit diuidendam. Hoc adiuncto, quod quando dicte Olom. Ecclesie nos uel nostri heredes decem marcas grossorum et numeri predictorum dederimus, tunc prefata marca ad nos uel nostros heredes omni contradiccione ac difficultate cessantibus libere debet reuerti . Ad euidenciam autem pleniorem strenui viri Jacobus de Zelutycz et Adam de Dobromylicz per nos sunt vocati et rogati in testimonium premissorum in quorum omnium testimonium et Robur sigilla nostra cum sigillis dictorum testium sunt presentibus appensa. Datum in Olomucz Anno domini Millesimo Trecentesimo Sexagesimo septimo die septima mensis Decembris. (Orig. Perg. 4 h. Sig., wovon drei verletzt, im Olm. Kapitelarchive.) 23. Schiedsspruch des Leitomyschler Bischofes Albert von Sternberg über den Streit zwischen dem Kloster Smilheim und Ales und Wilhelm von Sternberg. Dt. Sternberg, 15. Dezember 1367. Nos Albertus de Sternberg, Dei gracia Luthomissliensis, episcopus, arbiter, arbitrator, laudator et amicabilis compositor per Honorabiles et Religiosos Viros Dominum Petrum abbatem, fratrem Johannem, cellerarium, suo et Conventes suorum nomine monasterii Wysowicz, alias Smylhaym, ordinis Cisterciensis, Olomucensis dyocesis, ex una et nobiles dominos Alschonem et Wilhelmum fratres de Sternberch, alias de Zlyna, ejusdem olomucensis dyocesis, parte ex altera super omnibus et singulis controversiis, litibus questionibus, inter ipsos occasione octo villarum cum dimidia, videlicet villa Altus campus, villa Hrozenkow, villa Lypa, villa Schonaw, villa Prlow, villa Pozdiechow, villa Polanky, villa Leschow et dimidia villa Zelychow, nec non perceptorum fructuum emolumentorum, expensarum et impensarum et interesse ac alias quomodolibet subortis, prout hec omnia in forma com- promissi plenius continetur, visis, auditis, intellectis et examinatis parcium juribus deliberacione prehabita diligenter pro bono pacis et concordie vigore compromissi predicti sub pena octo- gentarum marcarum grossorum Pragensium, Moravici numeri et pagamenti, taliter, quod si aliqua pars arbitrium hoc nostrum laudum et edictum in totum vel in partem non servaverit, parti servanti dabit et solvet nomine dicte pene quadringentas marcas, et nobis arbitro ducentas marcas, et ducentas marcas dabit et solvet pro fabrica ipsius Ecclesie Lutho- misslensis. Nomine igitur Christi invocato laudamus, ordinamus, arbitramur, dicimus atque pronunciamus, seu eciam diffinimus: Primo, quod prefati nobiles omnem displicenciam et gravem animum, quos habuerunt seu habent ad ipsum .. abbatem .. celerarium et conventum dimittant ex corde, et de cetero eos graciose prosequantur, bonaque et possessiones dicti monasterii benigne foveant et tuentur. Item arbitramur, laudamus et pronunciamus, quod 3*