269 iure piscandi in riparia dicta Ponaw, et specialiter magnam nouam piscinam seu lacum subtus iacentem cum fundamento et littoribus suis circumquaque ac aliis rebus in dicta villa Künigsfelden situatis, quam eciam habitacionem cum suis pertinenciis erga Ditlinum et Katherinam, ipsius vxorem legitimam, et Ortlinum dictum Laukwiczer et vxorem suam, ciues ciuitatis Brunnensis, fideles nostros dilectos, pro quadam certa summa pecunie rite et racionabiliter comparauimus iusto titulo empcionis, et fratribus prefati ordinis, vt in ea claustrum cum habitacionibus, que pro priore et duodecim suis confratribus monachis sacerdotibus, conuersis et familia competenti numero pro nostris sumptibus iuxta ordinis prefati consuetudinem et septis per gyrum decentibus, prout prefatis priori et conuentui visum fuerit expedire, similiter communiri et firmari ordinent et disponant, dedimus, tradidimus, contulimus et donauimus, damus, tradimus, conferimus cum infrascriptis bonis irreuocabiliter vigore presencium et donamus per prefatos fratres imperpetuum possidendis et vtifruendis, nichil de potestate, auctoritate vel jure, quocunque nomine censeantur, in predictis nobis vel heredibus nostris reseruantes. Item pro sustentacione tocius conuentus et aliarum indigenciarum vltra prefatam aream in Küngsfelden supradictam nouam nostram fundacionem bonis seu redditibus subscriptis dotauimus et per presentes dotamus : in primis molendinum situm super Czwilauiam et Swarczawam ryuos in loco, qui wlgariter Derrndrussel nuncupatur, quod circa Johannem Slemkitel et Chünlain legitimam eius vxorem, fideles nostros dilectos, pro quadringentis et quinquaginta marcis grossorum pragensium morauici pagamenti comparauimus cum area, agris, censibus, edificiis, piscariis, pomeriis, ortis, pratis, virgultis, villulis, jurisdiccionibus, exitibus aquarum et singulis pertinenciis, quouis eciam nomine censeantur. Item vnam vineam per nos comparatam, jura montana ac decimas ad nos spectantes in villa dicta Obrzan cum omni iure et consuetudine uelud nos actenus possedimus et villam nostram dictam Strzielcz cum silua Hayholcz, dicta silua tamen communitatis exclusa et villam nostram dictam Czernowicz cum omnibus earum pertinenciis ac juribus, prefatis fratribus et conuentui ac pro ipsorum sustentatione dedimus, donauimus, appropriauimus, contulimus. damus, donamus, appropriamus, conferimus presentibus et largimur predicta omnia et singula velud ad nos peruenerunt tenendi, vtifruendi et perpetuo possidendi tamquam deo oblata et donata, nichil nobis, heredibus seu successoribus nostris Marchionibus Morauie iuris penitus reseruantes. Ceterum sepedictam fundacionem nostram vniuersis et singulis libertatibus, graciis, immunitatibus, prerogatiuis subscriptis liberaliter et irreuocabiliter per nos, heredes et successores nostros Marchiones Morauie moti tante religionis sinceritate et simplicitate esse decreuimus muniendam: primo videlicet, quod prefata nostra fundacio fundus et monasterium in Küngsfeld ad sanctam trinitatem, necnon homines, bona fratrum predictorum in nostra, heredum et successorum nostrorum Marchionum Morauie tuicione esse debeant perpetua et manere. Item predictos fratres, homines, loca et bona eorum, que in presenti habent seu in futurum habituri fuerint, quouis nomine appellari valeant, absoluimus, eximimus et omnino libertamus ab omni jurisdiccione ciuili, jugo, judicio, grauamine, exaccione et onere, quibus per nostros officiatos videlicet camerarium, magistrum curie ac ceteros officiatos seu officiales nostros, qui nunc sunt seu pro tempore fuerint, vel per quempiam alium