82 55. Johann, Markgraf von Mähren, bestätigt den zwischen dem Olmützer Kapitel und Dětoch von Schonwald stattgehabten Gütertausch. Dt. Brünn, 28. December 1368. Johannes dei gracia Marchio Morauie ad vniuersorum tam presencium quam futurorum hominum noticiam cupimus peruenire . Quod quia venerabilis pater noster in Christo dominus Johannes episcopus Olomucensis et suum capitulum XXIII marcas cum XL grossis reddituum et siluam, quos et quam ipsa ecclesia et predictum capitulum in tota villa Passeca, alio vocabulo Techans nominata, optinent, pro XXIII marcis grossorum cum XL grossis reddituum et siluam, quos et quam strenuus vir fidelis noster dilectus Dyetochius de Schonwalde et sui heredes in villa Prikaz, inter Olomucz et Lutouiam sita, in suam hereditatem possident, permutauerunt simpliciter ad inuicem de nostro beneplacito et consensu, nichil sibi juris hincinde reseruando in prefatis redditibus et siluis taliter permutatis ac bonis, de quibus huiusmodi redditus annue persoluuntur . Nos ad prefati Dyetochii necnon heredum suorum fidelium nostrorum instantiuam supplicacionem ac ipsius ecclesie Olom., cuius comoda piis affectibus ex innata nobis per diuinam clemenciam, cuius nutu principamus in terris, deuocione prosequi anhelamus, et cuius reuerencia principatum nostrum sublimius honorari conspicimus intuitu, prefatam permutacionem beniuole admittimus, gratuite ratificamus et pia mente de nostra certa sciencia confirmamus, supradictos redditus et Siluam in ipsa villa Prikas, ut predicitur, permutatas cum omni jure, dominio et pertinenciis, quibus ad prefatum Dyetochium et suos heredes hereditarie pertinebat, in proprietatem et Jus Olom. ecclesie et ipsius capituli ac libertate, quibus ex donacione progenitorum nostrorum eadem potitur ecclesia, auctoritate presencium perpetue transferentes. Harum, quas sub appensione Sigilli nostri scribi fecimus testimonio literarum . Datum Brune Anno dom. M° CCC. LXIX feria VI die sanctorum Innocencium. (Aus dem Codex E. l. 27 fol. 124 im Olm. Kapitelarchive.) 56. Oneš et Pelhřím von Kopitec verkaufen das Gut Olešná dem Kloster Neureisch. Dt. 1368. s. l. et d. Vniuersorum ac singulorum gestorum, que inter quoslibet exercentur, vacillat memoria per tempus elapsum, nisi uiuaci testimoniorum instrumentique publici amminiculo fuerint perhennata. Hinc est, quod ego Onsso et Pelhrzym fratres germani de Kopitecz heredesque nostri coram omnibus, ad quos peruenerit presens, noticia subscriptorum publice profitemur. Quod animo bene deliberato maturoque consilio omnium amicorum nostrorum et consensu hereditatem nostram in Olesna cum omnibus vtilitatibus et prouentibus magnis et paruis, qui ad ipsam dinoscuntur pertinere, siluis, rubetis, montibus, uallibus, agris cultis et incultis, pratis, pascuis, riuulis, piscinis et aquarum decursibus, plane cum omnibus juribus et dominio, quo