226 207. Wenzel, König von Böhmen, Markgraf zu Brandenburg und Herzog von Schlesien. verbriefet sich, dass Neplach von Ostrow das ihm von der Herzogin von Schweidnitz und Jauer verschriebene, im Weichbilde von Graz gelegene Dorf Neroschow auch nach dem Uebergange besagter Herzogthümer an Böhmen fortbesitzen dürfe. Dt. Písek, 20. Dezember 1373. Wir Wenczlaw von gotes gnaden Kunig czu Beheim, Marggraff czu Brandemburg vnd Herczog in Slesien bekennen vnd tun kunt offenlichen mit disem briefe allen den, die yn sehen oder horen lesen. Wann die hochgeborne furstinne frawe Agnes Herczoginne zu der Swidenicz vnd zu dem Jawr, vnser liebe Mume, vnserm lieben getrewen Neplachen von Ostrow das dorff Neroschow, gelegen in dem Wichpilde zu Grecz, mit czweyen schocken geltes, mit welden, wisen vnd sinen zugehorungen verschriben vnd geben hat, als das in yren briefen, die sie dem vorgenanten Neplachen geben hat, volkomenlich begriffen ist, vnd wann nach tode der egenanten vnserr Mumen die vorgenanten Herczogtume czu der Swidenicz vnd zu dem Jawr an den Allirdurchleuchtigsten fursten vnd herren hern Karl Romischen Keiser, zu allen ziten Merer des Reichs vnd Kunig zu Beheim, vnsern lieben gnedigen herren vnd vater, an vns, die Cronen vnd das Kunigreich zu Beheim erblich vnd von rechte gefellet, des haben wir durch getruwer dinste willen, die vns vnd der egenanten vnser Mumen der obgenante Neplach vormals getan hat, teglichen tut vnd nach tun sal vnd mag in kunftigen czeiten, mit wolbedachten mute vnd rechter wissen zu sulhem verschreiben vnd geben des vorgenanten dorfes gnediclich vnsern willen getan vnd gegeben tun vnd geben mit crafft dicz briefes, also, das derselbe Neplach das vorgenant dorff, als verre es vnserr kunigliches eygen gut nicht sey, mit allen sinen zugehorungen furbas ine haben. halten vnd besiczen sulle, in aller der masse vnd rechten, als das in der egenanten vnser Mumen briefen, die er von ir doruber hat, begriffen ist. Mit urkund dicz briefs versigelt mit vnser Kuniglichen Maiestat Insigel. Der geben ist zum Piesk nach Crists geburt drei- czenhundert Jare, darnach in dem dreyvndsibenczigisten Jare, an dem nehsten dinstag nach sant Lucien tage vnsers kunigreichs in dem Czehenden Jare. (Das Original auf Pergament mit einem anhängenden grossen, leider sehr stark beschädigten Doppelsiegel im mähr. Landesarchive sub Nr. 86 unter den Miscellen.) 208. Johann, Markgraf von Mähren, befreit die nach Oesterreich ziehenden Kaufleute aus Olmütz, M. Neustadt und Littau von der Verpflichtung, den Strassenzwang nach Menitz einzuhalten und von der Mauth daselbst. Dt. Eichhorn, 29. Dezember 1373. Johannes dei gracia Marchio Morauie notumfacimus presencium inspectoribus vniuersis. Quod quia ciues et incole ciuitatum nostrarum, videlicet Olomucz, Vnyczow alias Noueciuitatis