215 diuersis sopire volentes, sicut decel, statuimus et exnunc perpetue haberi volumus pro statuto. quod vniuersi et singuli in dicta nostra ciuitate testamenta in extremis facere cupientes. non in possessionibus seu hereditatibus vel in bonis quibuslibet, sed in parata dumptaxal pecunia liberam testandi habeant potestatem, ita quod homo quilibet sano corpore dare, testari seu largire possit, sed non egrotante . In quorum euidenciam et robur perpetuo valiturum sigillum nostrum presentibus el appensum . Datum Spilberg nostro castro, Anno domini Millesimo Trecentesimo septuagesimo tercio, feria quarta post festum Corporis Christi Jesu domini nostri. (Orig. Perg. h. Sig. im Brünner Stadtarchive.) 193. Johann, Markgraf von Mähren, bestimmt den Strassenzug für die aus Oesterreich. Ungarn und Polen kommenden Kaufleute. Dt. Spielberg. 23. Juni 1373. Johannes dei gracia Marchio Morauie ad vniuersorum tam presencium quam futurorum noticiam volumus tenore presencium deuenire. Quod attendentes ex animo grata et accepta seruicia dilectorum fidelium nostrorum juratorum . . consulum et communitatis ciuium ciuitatis nostre Brunnensis, que nobis necnon clare memorie illustri principi domino Johanni, olim regi Boemie, genitori nostro karissimo, in magnis et arduis negociis impenderunt hactenus et aucto fidelitatis studio impendere continue non desistunt, eisdem ciuibus, vt dicta ciuitas eorum dilatetur honoribus et felicibus votiuisque prestante altissimo successibus augeatur. concedendum duximus et eciam indulgemus, quod omnes et singuli mercatores et vectores cum quibuslibet ipsorum mercibus et curribus tam de Austria, quam Vngaria et Polonia aut vndecunque alias venientes solum per ciuitatem Brunnensem predictam et non aliunde, via publica et strata regia venire, ire debeant et transire. Quocirca vniuersis et singulis . capitaneis . . camerariis . . subcamerariis . . judicibus et ceteris officialibus nostris per Morauiam constitutis, seriose committimus et mandamus omnino volentes, quatenus ipsi et quilibet eorum, qui et prout a predictis ciuibus fuerit requisitus, prefatos Mercatores et vectores, vt cum dictis rebus et mercibus eorum per prefatam ciuitatem Brunnensem tran- situm iuxta dictam concessionem nostram faciant, per arrestacionem et occupacionem bonorum ipsorum et modos alios prout expedire conspexerint, auctoritate nostra districtius arceant el compellant. Statuimus insuper omnino volentes, vt nullus de Austria stratam versus Lauczayns per Meneys cum rebus et mercibus sed per Brunnam transire debeat quoquomodo . Si quis autem secus contra statutum et mandatum nostrum huiusmodi faceret, rebus et mercibus suis per nostros iamdictos priuetur officiatos omnino . In quorum testimonium presentes literas scribi et sigillo nostro iussimus communiri . Datum Spilberg Anno domini Millesimo Trecentesimo septuagesimo tercio in vigilia natalis sancti Johannis Baptiste. (Orig. Perg. h. Sig. im Brünner Stadtarchive.)