120 98. Markgraf Johann entscheidet einen Streit bezüglich der Fischerei und Waldungen zwischen Ctibor von Cimburg und dem Olmützer Kapitel. Dt. Brünn 1370 s. d. Joannes Dei gracia Marchio Morauie ad vniuersorum tam presencium quam futurorum hominum noticiam cupimus peruenire. Quod cum inter honorabile Capitulum Olomucensis Ecclesie ab vna et nobilem Stiborium de Cimburg alias de Tovaczow fidelem nostrum dilectum ab altera parte super quibusdam pascuis, pratis, ortis, curticulis, aquis, piscacionibus et ipsorum limitibus iuxta villam Aurczicz, que est ipsius Olom. Ecclesie, sitis, suborta fuisset materia questionis et in ipsa usque in tercium annum in judicio Ecclesiastico litigatum, Nos qui iusticie zelo tenemur discordes ad concordiam reuocare, sanius perpendentes, quod huiusmodi dissensio non modicum incommodum prefatis partibus ita litigantibus ingerebat, ipsam litis materiam ob hoc volentes totaliter amputare, cum consensu et voluntate vtriusque partis per nobilem Frankonem de Cunowicz consiliarium nostrum fidelem dilectum, quem ad conspiciendum supradictas possessiones, super quibus prefata vertebatur causa, et ad pronun- ciandum ac decernendum, quid utraque pars secundum iuste racionis iudicium et iusticie rectitudinem seruare deberet ammodo super possessionibus memoratis direximus et nostrum constituimus commissarium specialem, subscriptam ordinacionem fecimus, statuentes et perpetuo seruari volentes: Quod prefatus Stiborius suique heredes et successores ac posteri cuiuscunque status vel eminencie fuerint, nunquam debeant homines prefate ville Aurczicz in prefatis pascuis, artis, curticulis, aquis, piscacionibus ac ipsorum limitibus, sicut per memoratum Franconem distincti sunt, per se vel alios de cetero inpedire, turbare seu aliquatenus molestare aut inpedientibus, perturbantibus seu molestantibus coniuere quouismodo ; debent eciam supradicti de siluis prefati Stiborii spectantibus in Towaczow incipiendo a limitibus pascuorum et pratorum ipsius ville Aurczicz usque ad flumen nominatum Jesda prope villam Lobodicz et a fluuio Jesda usque ad fluuium Moraua et a flumine Moraua usque ad metas oppidi Cogetyn de omnibus generibus lignorum, exceptis quercubus et pirorum ac pomorum arboribus succidendi, accipiendi et portandi in manibus, curribus, equis et in dorso sufficienciam pro ignibus domorum ac edificiorum ac sepium utentibus obstaculorumque reparacionibus, sed nequaquam ad vendendum, ac colligendi nuces pira poma ac quoscunque alios fructus arborum praeter glandines in eisdem siluis nascentes, habere liberam potestatem, ad quas vtilitates earundem siluarum prefatus Stiborius suique posteri alios quam de Aurczicz, preter homines duntaxat de villa Lobodicz admittere non tenentur. Et si pro capiendis vtilitatibus supradictis huiusmodi silue deficerent, ex tunc ipse Stiborius ac ipsius posteri quicunque defectum eundem in aliis siluis spectantibus in Towaczow suplere debent iuxta sue consciencie puritatem. Rursus predicti homines de Aurczicz debent propter prefatas siluarum utilitates percipiendas ipsi Stiborio heredibus successoribus et posteris ipsius has reddere seruitutes, videlicet quilibet villanus habens agros multos siue paucos soluet in natiuitate Christi quolibet anno octo metretas auene mensure Brunnensis. Item quilibet habens proprium hospicium in villa predicta soluet in prefato festo vnam gallinam et duos hallenses, quorum valent duodecim vnum grossum. Item quilibet piscator, ortulanus et curticularius in predicto festo soluet vnum grossum. Item