28 37. Milota von Kvasitz schenkt dem Kloster Velehrad einen jährlichen Zins von drei Mark Prager Groschen. Dt. Velehrad, 11. April 1368. Cum cercius morte mortisque hora nil incercius prestolemur super terram, quapropter congruit vniuersis, quatenus respectu centupli spiritalis, quod saluator omnibus large pollicetur, qui pro suo nomine quitquam dando deserunt in hac vita, salubriter suis animabus, dum possunt, sapienter studeant prouidere . Nos itaque Milota de Quassicz tam presentibus quam futuris, qui has litteras viderint, legerint ue audierint, notum esse volumus vniuersis, quod ex matura deliberacione, de consilio et assensu cunctorum, quorum in accionibus legittimis de jure requiritur assensus, pro remedio et testamento animarum felicis recordacionis pro- genitorum nostrorum ac domine Elizabet diecte nostre conthoralis et nostra sanitate rite et racionabiliter legauimus, donauimus, contulimus et presentibus libere resignamus religiosis viris . . abbati et conuentui monasterii Welegradensis et eorum posteris in suo refectorio ad pitancias iugiter futuris temporibus perpetuo ministrandas, videlicet tres marcas grossorum denariorum Pragensium Morauici numeri et pagamenti nudorum reddituum et certorum perci- piendas, tenendas et possidendas per iam dictos . . abbatem et . . conuentum annis singulis in duobus terminis cuiuslibet anni, scilicet in die beati Johannis ante portam latinam alteram dimidiam marcam et in die beati Galli totidem denariorum prescriptorum in et super villa nostra Olschowicz vocata et suis pertinenciis prope Tulmatschaw (sic) oppidum nostrum situata, per judicem dicte ville tollendas et per eundem seu per nos et successores nostros eisdem dandas, censuandas et numerandas ac eciam in ipsorum monasterio presentandas abbati et conuentui sepedictis, qui nos in participium oracionum suarum et bonorum omnium, que spiri- tualibus perfecerint exerciciis, tamquam fratrem ordinis benigne susceperunt. Si uero post aliquem dictorum terminorum, quod absit, census debitus, vt pretactum est, non persolueretur, extunc statim judex et duo de scabinis dicte ville per officiales monasterii prefati moniti ciuitatem Cremsirensem subintrare tenebuntur, obstagium verum in domo honesta iuxta morem terre prestituri, non inde recedentes donec de censu et dampnis, si quid per dilacionem solucionis percepissent, eis plene satisfiat, quodque obstagium, si octo diebus continuis durauerit, censu et dampnis non solutis, mox plenam presentibus habeant potestatem, homines nostros quoslibet in bonis nostris et vbicunque locorum prensos in ciuitatibus, oppidis et villis arrestandi, detinendi et impignorandi in rebus et personis tociens et tam diu, donec solucionem pro tempore faciendam integre percipiant et in toto se reddant liberos, indempnes et solutos. Ceterum si dicta villa nostra Olschowicz a nobis modo quouis in aliam personam transferretur aut per desolucionem vel alias, quod absit, ad hoc deueniret, quod dictum censum habere non possent ibidem, tunc statim in bonis nostris aliis singulis et vniuersis vbicunque habitis, que duxerint eligere, eodem tytulo tantundem veri et perpetui census eis dare et assignare promittimus bona fide, vt in suis redditibus non fraudentur. Promittentes nichilominus dictum censum, siue in ipsa villa Olschowicz ipsum percipiant uel in bonis aliis, exbrigare ab omnibus et quibuslibet impetitoribus, cuiuscunque condicionibus et eminencie fuerint et in