238 ceterum de aliis emendis omnibus iudiciariis predictus Johannes judex cum suis heredibus tercium denarium recipiat et in vsus suos proprios conuertat, tribus causis criminalibus canonicis exceptis, videlicet homicidio, stupro, stragicendio, quas causas iudicandas et pro eisdem emendas recipiendi ego Johannes Vogel pro memet ipso et successoribus meis solus integra- liter reseruaui . Eciam retulit michi dictus Johannes Holczfogel judex meus sub iuramento, quod antiquas literas prius super dictum iudicium meum Bradels sibi datas et confectas per incautam custodiam amissiset; ideo ego Johannes Vogel cum meis successoribus supradictas literas antiquas super predictum iudicium ostensas uel, si que venirent in lucem et que presentibus literis ostenderentur, in contemptum reputo integraliter esse cassas et inanes et amplius nullius debeant efficacie esse uel vigoris . Insuper qui presentem legitime habuerit literam, eidem competit jus omnium premissorum . Eciam prefatus Johannes Holczfogel judex meus in Bradels et sui heredes ac successores omnes pecunias de resignacione coram iudicio hereditatum uel do- morum pro se ipso tollat et in vsus suos proprios conuertat nulla impediente . In cuius rei testimonium et robur perpetue obtinendum sigillum meum proprium de certa mea sciencia et ad maiorem cautelam ad preces meas instantissimas presentibus sunt appensa (sic). Datum anno domini Millesimo Trecentesimo Septuagesimo quarto in octaua Ascensionis eiusdem. (Orig. Perg. 2 h. Sig. im Igl. Stadtarchive.) 222. Das Kloster Velehrad verkauft der Stadt Ung. Hradisch einen jährl. Zins von 4 Mark auf 20 Jahre. Dt. 28. Mai 1374 s. l. Nos Johannes Abbas, Nicolaus prior, Johannes subprior, Georgius cellerarius totusque conuentus monasterii Welegradensis recognoscimus tenore presencium vniuersis . Quod discretis et honestis viris ciuibus in Redischs quatuor marcas census, quem super judicium in eadem ciuitate Redischs dinoscimur habere, pro quadraginta marcis grossorum rite et racionabiliter sine omni dolo vendidimus ad spacium viginti annorum dumtaxat tenendum, possidendum et vtifruendum, prout nosmet ab antiquo dinoscimur possedisse . Quem videlicet censum plebanus seu prouisor hospitalis dicte ciuitatis tollere et percipere habebit pro ipsius et pauperum ibidem decumbencium sustentacione, condicione infrascripta inclusa, videlicet, quod ipsis annis viginti elapsis antedictum censum reemere possumus et valemus . In casu vero, vbi dictis viginti annis expletis summam quadraginta marcarum non restitueremus reemendo ut premittitur, extunc quanto tempore seu quamdiu id facere negligeremus, tam diu ipsi possessionem dicti census habebunt . Dantes eis nichilominus presentibus facultatem, quod, si aliquis prepotens sicut marchio manu violenta in recipiendo vel tollendo antedictas quatuor marcas ipsos ciues seu plebanum et rectorem hospitalis inpediret, quod possint et valeant in reconpensam alias quatuor marcas recipere de censu, quem de molendinis et de ciuitate dicte Redischs nos et nostrum monasterium eque dinoscitur possidere . In cuius rei testimo- nium sigilla nostrum videlicet et nostri conuentus presentibus sunt appensa . Anno domini Millesimo Trecentesimo Septuagesimo quarto Die Beatissime Trinitatis. (Orig. Perg. 2 h. Sig. im Archive der Stadt Ung. Hradisch.)