38 sub tytulo condicionis, quod ipsi cruciferi ciuibus Oppauie totique communitati ac eorum heredibus et successoribus numquam vllam de bonis, super quibus arbitrium per nos est factum, mouere debeant questionem . Volumusque, ut he omnia per nos sic arbitrata, ne in posterum materie dissensionis, licium, discordacionis, controuersiarum questiones oriri possint et valeant, per venerabilem in Christo patrem episcopum dyocesis Olomucensis con- firmentur . Actum et datum Oppauie feria tercia proxima ante diem sancti Jacobi apostoli Anno Millesimo trecentesimo sexagesimo octauo . Presentibus Heynrico Fullinsteyn, Swerczone de Donka, Ramfoldo de Lubschicz, Heynczlino Kreczingr dicti de Czedlicz, strenuis militibus et Nycolao plebano in Grecz, nostre curie prothonotario, in testimonium premissorum. (Orig. Perg. Sig. abgerissen in der Boč. Sammlung n. 3331 im Landes-Archive.) 46. Das Kloster Maria Saal erklärt statt des Patronatsrechtes in Biskupitz jenes in Duban vom Markg. Johann erhalten zu haben. Dt. Brünn, 14. August 1368. Quamuis sacrorum Canonum instituta res ecclesiasticas alienari uel distrahi inter- dicant, illas tamen huiusmodi rerum alienaciones indulget fieri, que sine dispendio sacrorum locorum racionis seruato moderamine celebrantur . Eapropter Nos Perchta Abbatissa, Clara Priorissa et . . Conuentus Sanctimonialium Monasterii aule sancte Marie in antiqua Brunna ordinis Cysterciensis diocesis Olomucensis ad cunctorum noticiam cupimus peruenire. Quod quia Magnificus Princeps et dominus noster dominus Johannes Marchio Morauie faciendo permutacionem cum Olomucensi . . Capitulo dando illi villam Tyncz prope Olomucz sitam cum omnibus suis pertinenciis pro villa Byskuwicz prope Gewecz, que fuit vna prebendarum Olomucensis Ecclesie, Juspatronatus Ecclesie in Tyncz, quod nostrum erat, eidem Ecclesie et . . Capitulo secundum tractatum super huiusmodi permutacione habitum in recompensam Ecclesie in Byskuwicz incorporare debuit et vnire, Nos, considerantes in hoc vtilitatem nostri Monasterii et condicionem ipsius effici meliorem, premisso diligenti tractatu et solemp- nitatibus iuris ad hoc necessariis, eiusdem Principis et domini nostri intuitu prefatum Jus- patronatus, non coacte nec aliqua occasione conpulse, sed post sanam et bene digestam deliberacionem sponte et libere in manus honorabilis viri domini Nicolai prepositi sancti Petri Brunne, Reuerendi in Christo patris et domini domini Johannis Episcopi Olomucensis in spiritualibus vicarii generalis resignauimus et coram ipso penitus cessimus de eodem renuncciauimusque et presentibus renuncciamus pro nobis et successuris nobis, cuius cunque juris auxilio, per quod de predicto Jure patronatus ipsi Olomucensi Ecclesie et eius Capitulo uel cuicunque alteri loco uel persone vnquam possemus quauis occasione nos vel nobis suc- cedentes facere questionem, eo quod prefatus Princeps et dominus noster de resignacione et cessione predicti jurispatronatus. nos et monasterium nostrum omnimode indempnes reddidit dando, tradendo et assignando cum effectu nobis et monasterio nostro in reconpensam juspatronatus ecclesie in Duban eiusdem diocesis Olomucensis perpetuo tenendum et possidendum, de quo