113 92. Statut des Olm. Kapitels bezüglich des Erscheinens der Kanonici im Kapitel. Dt. 30. September. Anno domini MCCCLXX In generali Capitulo, quod solet in ecclesia Olomucensi in festo sancti Jeronimi et diebus sequentibus celebrari, domino Woyczechio protunc seniore canonico existente sequens statutum ordinatum est. Qualiter naturale vicium existat negligere, quod tangit communitatem, experiencia quottidiana, qua ecclesie nostre Olomucensis iura ac negocia libertates et priuilegia pro eo, quod canonici propter incertas diem et horam conueniendi aut intrandi hactenus Capitulum raro aut tarde seu grauiter conuenerunt, neglecta, lesa et invasa existunt, didicimus periculis pariter et exemplis. Quibus diligencia et studio vigilanti occurrere auctore domino cupientes prouida deliberacione vnanimique consilio et consensu nostrum omnium presentibus statuimus, decernimus et ordinamus, quod de cetero cuiuslibet septimane feria sexta in continenti post missam defunctorum uel in diebus nouem leccionum tercia finita, festis sumis et duplicibus exceptis, prelati et canonici ad tractandum causas, negocia, necessitates et defectus ipsius ecclesie et personarum Capitulum intrare et usque ad ipsius conclusionem in eodem manere teneantur, nisi causa instantis necessitatis uel vtilitatis, coram ipso capitulo proposita et legittima indicata, si quis non posset eidem interesse Alioquin si quis secus fecerit, is distribucionibus et offertorio sibi ipso die debitis dumtaxat inter ceteros canonicos distribuendis in sui penam sine aliqua excusacione seu remissione sit ipso facto priuatus. (Aus dem Codex E. I. 40, fol. 13 im Olm. Kapitelarchive.) 93. Der Abt des Klosters Bruck und der Pfarrer von Winau fällen einen Schiedsspruch zwischen dem Kloster s. Clara in Znaim und dem Pfarrer Robert bezüglich des Zehents von dem Hofe in Stopyšitz. Dt. Znaim, 1. October 1370. In nomine domini amen. Anno natiuitatis eiusdem Millesimo Trecentesimo Septua- gesimo, die prima mensis Octobris, indictione octaua, pontificatus sanctissimi in Christo patris et domini, domini Vrbani diuina prouidentia pape quinti anno octauo, in mei notarii publici testiumque presentia subscriptorum constituti personaliter venerabilis in Christo pater dominus Otto abbas monasterii Lucensis, premonstratensis ordinis, et Johannes plebanus in Vynnaw, in causa et causis vertente vel vertentibus inter religiosas dominas. abbatissam et eius con- uentum monasterii sancte Marie in Znoyma ordinis sancte Clare ex una et Rupertum plebanum ecclesie in Beherwicz, Olomucensis diocesis, parte ex altera super decimis et jure percipiendi easdem de curia villicali sita in Stopyssicz, super quibus eedem partes coram reuerendo viro domino Henrico de Monsterberg, officiali curie Olomucensis aliquamdiu litigarunt, arbitri, arbitratores seu amicabiles conpositores una cum discreto viro domini Ottone plebano in 15