143 119. Markgraf Johann verspricht, dass er keinen Unterthan des Königreiches Böhmen in seinen Schutz nehmen, noch vorzeitige Ansprüche an die Krone Böhmens erheben wolle. Dt. Prag, 18. April 1371. Johannes dei Gracia Marchio Morauie notum facimus tenore presentium vniuersis. Licet alias serenissimus princeps et dominus, dominus Karolus, Romanorum imperator semper augustus, et Boemie rex, dominus et frater noster precarissimus, nobis, heredibus et successoribus nostris legittimis marchionibus Morauie sexus masculini, insignem et illustrem principatum marchionatum Morauie cum attinentiis et pertinentiis ejusdem, principatibus venerabilis Olo- mucensis ecclesie et illustris Oppauie ducatus dumtaxat exceptis, preter bernam regiam generalem in bonis episcopalibus dicte Olomucensis ecclesie, que ad nos, heredes, et successores nostros, marchiones Morauie pertinet, prout in aliis literis desuper editis plenius est expressum, pro hereditaria et paterna nostra et heredum nostrorum portione in feudum illustre et insigne concesserit, Nosque dictum marchionatum cum suis pertinentiis, ut prefertur, ab ipso domino et fratre nostro ut a Rege Boemie in feodum susceperimus et fidelitatis, homagii, subieccionis et obedientie, sicut susceptione feodorum consuetum est fieri, Sibi ut regi Boemie presti- terimus corporalia juramenta, sicut etiam nostri heredes, et successores legitimi, marchiones Morauie, masculini sexus, eundem marchionatum cum attinentiis eiusdem ab ipso, ut a rege Boemie, heredibus et successoribus suis Boemie regibus et a corona regni eiusdem imper- petuum in feodum recipere tenebimur, ea tamen conditione notanter adiecta, quod idem marchionatus cum pertinentiis ipsius in eum casum, vbi nos, heredes, et successores nostri legitimi marchiones Morauie, sexus masculini, sine heredibus legitimis, masculini sexus. decedere contingerit, ad ipsum ut ad regem Boemie, heredes et successores suos Boemie reges et ad eiusdem regni coronam immediate deuoluantur, sicut premissa omnia in aliis literis desuper confectis plinius sunt expressa. Nos tamen comoditatibus dicti nostri domini et fratris, heredum et successorum suorum fraterne dilectionis indicio prouidere cupientes, eisdem bona fide absque omni dolo et sub iuramento, quod desuper uiua uoce ad euangelia sancta Dei corporaliter prestitisse dinoscimur, promisimus et pro nobis illustribus Jodoco nostrisque heredibus et successoribus marchionibus Morauie, Joanne et Procopio, filiis nostris, nec non aliis nostris filiis fortasse nascendis, eorum heredibus et proheredibus cuiuscumque conditionis, status uel preeminentie forent, seu ad quemcumque gradum dignitatis prin- cipatuum siue dominiorum peruenire possent, promittimus per presentes, quod predictorum regum Boemie homines feudatarios, uasallos et alios quoslibet subiectos, barones, nobiles et ignobiles, ecclesiasticos et seculares eorundem contra uoluntatem et in preiuditium ipsorum in bonis, que in regno Boemie obtinent, unquam defendemus, manutenebimus, protegemus, proloquemur, aut ipsos tuebimur in futurum. Sicut etiam idem dominus noster et frater, heredes et successores sui reges Boemie ac etiam alii sui filii nati et noscendi, eorum heredes et proheredes, cuiuscumque conditionis, status uel preeminentie forent, seu ad quemcumque gradum dignitatis principatuum siue dominiorum peruenire possent, contra