213 190. Semovit, Herzog von Teschen und Johanniter-Provincial des böhmischen Priorates, bittet den Olmützer Bischof Johann um die Bestätigung der Entscheidung, welche ein Schiedsgericht zwischen der Johanniter-Commende in Altbrünn und dem Kl. Maria Saal getroffen hatte. Dt. Bruna, 15. Mai 1373. Reuerendo in Christo patri ac domino, domino Johanni dei gracia episcopo Olo- mucensi aut eius in spiritualibus generali vicario. Semouitus dux Thesshinensis, prouincialis ordinis sancti Johannis Jerosolimitani in prioratu Boemie, exhibicionem reuerencie humilem et deuotam. Reuerende pater, noueritis . . . licet dudum inter venerabiles et religiosas dominas abbatissam et conuentum monasterii Aule sancte Marie in Antiqua Bruna ex vna, et commendatorem sancti Johannis ibidem nostro et tocius nostri ordinis nomine parte ex altera, pro decimis cuiusdam agri, inter villas Kungswelt et Manicz positi, exorta sit et fuerit materia conquestionis et partibus prenominatis hincinde causam ducentibus et certan- tibus in eadem plurimo ad hunc modo finem deuenerint, quod pro parte dominarum abbatisse et conuentus predictarum honorabiles viri domini Nicolaus, Johannes, canonici ecclesie sancti Petri in Bruna, et pro parte nostra ac commendatoris domus nostre in Bruna prefate honesti uiri Johannes Anshelmi et Waltherus dictus Dalik, ciues Brunnenses in arbitros, arbitratores et amicabiles compositores communiter et concorditer de bona voluntate parcium et nostra vnanimiter sint electi; demum ipsi arbitri prefati honorabilem et reuerendum virum dominum Nicolaum prepositum ecclesie sancti Petri in Bruna ... in superarbitrum sibi per se elegerint de parcium vnanimi voluntate, vt quidquid ipsi quatuor arbitri et quintus superarbiter p(refati) inter dominas preexpressas et nos de decimis agri prenotati dictauerint, arbitrauerint, ordinauerint et fecerint et quibus fuerit vallatum penis, firmum, ratum et gratum perpetuis (tempor)ibus debeat permanere. Nos super eo diligenti tractatu et matura deliberacione perhabitis de plurimorum fratrum com(mendatorum) terre Morauie consilio in prefatam concordiam seu arbitrium per antedictos arbitros et ipsorum superarbitrum faciendum con- se(ncien)tes beniuole vestre supplicamus gracie humiliter et deuote, quatenus ea omnia et singula, que in premissis arbitrata et concordata et facta fuerint per ipsos arbitros, ut prefertur. iuxta omnem modum et formam in ipsorum arbitrio contentam et penis adictis quibuslibet, quibus nos et fratres nostri ordinis, presentes et futuros quoslibet, sponte submittimus ex vestre paternitatis officio, ad quod rite spectat ex eo, quod parrochialium ecclesiarum cause pro utraque parte hic aguntur, dignemini confirmare et roborare taliter. quod in futurum omnes inter nos lites et conquestiones de eisdem omnimode sopiantur Sub harum, quibus sigillum nostrum appendi fecimus, testimonio literarum . Actum et datum Brune Anno domini M'CCCLXXIII dominica die Cantate. (Orig. etwas mank, Perg. häng. Sig. im Archive des Kl. Maria Saal im Landesarchive Lit. D, Nr. 4.)