382 homine impediente vel inpetente iure spirituali vel seculari ac judayco promittimus et tenemur disbrigare, libertare, pacificare in suis omnibus usibus pertinenciis et libertatibus, que ab antiquo tenta sunt et possessa. In eventu vero, ubi non faceremus, quod absit, ut premittitur, mox idem plebanus omnium sanctorum habet plenam et omnimodam potestatem, jure spirituali nos citare et monere ac sententiis nos gravare, prout jus ipsum in hiis melius edocebit tam diu, quousque omnia nostra promissa cum dampnis et omnibus inpensis in citando et monendo et quovismodo in laborando ob non implecionem premissorum fuerint persoluta cum effectu. Et horum ad cautelam et certitudinem firmiorem sigilla de voluntate nostra et mandato presentibus sunt appensa. Datum et actum sub anno domini M°COC°C° nonagesimo septimo in die sancti Wencesslai martiris gloriosi. (Orig. Perg. 4. h. Sig. das dritte abgerissen im Olm. Cap.-Archive.) 423. Georg, perpetuus vicarius der Pfarre in Ung. Brod, bekennt sich zu gewissen an den Vyšehrader Canonicus Fridrich zu zahlenden Schulden. Dt. 29. September 1397. Constitutus personaliter coram nobis Johanne Kbel officiali et actis nostris obligatoriis dominus Georgius, perpetuus vicarius ecclesie in Ungaricali Broda Olomuc. dioc., non com- pulsus nec coactus, sed sponte et libere confessus est et recognovit, se retinuisse viginti unam marchas domino Fridrico, canonico Wissegradensi, racione pensionis, quas eidem solvere tenebatur pro tribus terminis proxime preteritis, videlicet anno de presenti pro termino S. Georgii et anno proxima preterito pro terminis Georgii et Martini festis. Quas quidem pecunias ultra pensiones deinceps more solito solvendas solvere promisit infra quatuor annos, incipiendo anno proxime futuro, quinque marcas in festo S. Galli et tantumdem in dicto termino duobus annis sequentibus et quarto anno in dicto termino sex marchas domino Fridrico predicto sub pena excommunicacionis late sentencie, quam in ipsum exnunc prout extunc ferimus in hiis scriptis. Ibidem eciam dictus dominus Georgius recognovit, se nondum solvisse quasdam litteras ob non solucionem duarum pensionum emanatas et taxatas, ut dicebatur, ad sex sexagenas cum media et tres grossos, super quibus se dixit cum domino Fridrico loco et tempore concordare. Eciam recognovit, se teneri ipsi domino Fridrico in quatuor sexagenis, in quibus dominus Wysko, in Nezdyenicz plebanus, et Leonmanus, quondam conventor fructuum ecclesie in Wlcznaw predicte diocesis, fuerunt obligati pro litteris taxatis et non taxatis ob non solucionem quarundam pecuniarum, quarum duas solvere promisit in festo Assumpcionis s. Marie virginis proxime venturo et residuas duas in festo s. Martini tunc secuturo dicto domino Fridrico sub pena excommunicacionis; et si huiusmodi expense solute fuerint eidem, littere contra dictos Wyskonem et Leon- manum emanate debebunt restitui ipsi domino Georgio. Eciam dictum est et expressum, quod si ipse dominus Georgius ante solucionem dictarum IIIIer sexagenarum debitum nature persolveret, quod extunc ipsi Wysko et Leonmanus ad solucionem expensarum taxatarum