87 105. Der Olmützer Bischof Nikolaus verleiht denen, welche zur Erbauung der Olmützer Kirche beisteuern, einen Ablass von 40 Tagen. Dt. Olmütz 30. September 1392. Nicolaus dei et apostolice sedis gracia episcopus Olomucensis universis et singulis plebanis viceplebanis ecclesiarum parochialium et capellarum rectoribus, aut vestras vices gerentibus per et infra civitatem et diocesim Olomucensem constitutis, qui presentibus fuerint requisiti, graciam vobis et pacem a deo, qui est vera omnium salus. Carissimi in domino dilecti. Si divine maiestatis graciam propensius consideremus, qui nos non nostris meritis sed dono sue gracie gratis largire dignatus est, ut essemus sancti atque inmaculati et predestinavit nos in adopcionem filiorum secundum propositum sue voluntatis, qui eciam in nobis operatur velle bonum et perficere pro sua voluntate, dignum et justum reputamus tam grata beneficia nobis grata concessa digna memoria revolvere, devotis mentibus cognoscere, debitisque laudibus extollere et eum, quem celi et terra non capiunt, saltem justis suis et precipue intemerata eius genitrice semper virgine Maria, beatis et gloriosis Petro et Paulo apostolis, Wenceslao et Cristino martiribus, Cyrillo et Metudio episcopis et confessoribus ac eximia virgine Cordula, quos altissimus nostros elegit patres fore et patronos, piis suscipere affectimus (sic), divinis honorare obsequiis et de bonis a deo nobis collatis diem extreme messionis bonis operibus prevenire, ut in benediccione seminantes de benediccione metamus vitam eternam. Sane cum venerabilis sponsa nostra et illibata mater vestra sancta Olomu- censis ecclesia, que dono sancti spiritus vos dilectos sicut ceteros suos filios ad vitam genuit cum labore, sicut cottidie nove prolis gaudet germine genitosque piis nutrit uberibus ac nutritos uberius fovet moribus et exemplis, ut sine querela in vinea domini viventes mereamur esse participes regni dei, in edificiis suis et aliis cottidianum paciatur defectum, qui de facili reformari non valet sine elemosinis fidelium ex eo, quod in hoc magni sumptus et expense requirantur, vestram discrecionem presentibus aquirimus et hortamur seriosius vobis et vestrum cuilibet in virtute sancte obediencie et sub excommunicacionis pena iniungentes, quatenus sitis electi dei induci visceribus nomine domini nostri Jesu Christi tam sanctum et pium negocium, quod nobis prorsus cordi existit, cum fueritis per nuntios seu procuratores ad hoc deputatos per capitulum nostrum Olomucense requisiti, singulis diebus dominicis et festivis in ecclesiis vestris, quum maior affuerit populi multitudo, sine intermissione fideliter promovere curetis et diem adventus ipsorum, quem sollempniter volumus celebrari ut diem dominicum, fideli populo nuntietis et nuntiari faciatis et cum diligentia inducere studeatis monitis salutaribus, ut se ad susceptionem eorundum procuratorum, in quantum possint devotius disponant et ad laudem altissimi, qui administrat semen seminanti et panem prestabit multiplicabitque et augebit fructuum incrementa, unusquisque prout destinabit in corde suo, suas elemosinas largiatur, ut voluntas eorum prompta accepta existat secundum id, qui habet et non ex tristitia vel necessitate cum hylarem datorem diligat . . . Et dum venerint ad diem ad hoc assignatum, vos ad honorem dei et reliquiarum dicte ecclesie Olomucz