348 383. Notariats-Instrument über die Aussage des Damian, Pfarrers in Neustadtl, in dem Processe, welchen er mit dem Kloster Saar bezüglich gewisser Zehente hatte. Dt. 28. Marz s. l. In nomine domini amen. Anno nativitatis eiusdem millesimo trecentesimo nonagesimo septimo, indiccione quinta, die vicesima sexta mensis Marcii, hora terciarum vel quasi, pontificatus sanctissimi in Christo patris et domini nostri domini Bonifacii divina providencia pape noni anno octavo in stuba domus dotis ecclesie parrochialis in Zdyar, Olomucensis diocesis, in mei notarii publici infrascripti et testium presencia subscriptorum ad hoc specialiter vocatorum et rogatorum constituti personaliter coram honorabili viro domino Swathoslao, plebano sive rectore ipsius ecclesie in Zdyar necnon commissario recepcionis testium in causa arbitraria, que inter honorabiles et religiosos viros dominos abbatem et conventum monasterii in Zdyar, Pragensis diocesis ordinis Cisterciensis, ex una et dominum Damianum plebanum sive rectorem ecclesie in Nova Civitate dicte Olomucensis diocesis de et super decimis parte vertitur ex altera, a venerabili viro domino Johanne Kbel, decretorum doctore, curie archiepiscopalis Pragensis officiali, per ipsius literas commissionis ipsis partibus hincinde deputate, ipso ad infrascripta presidente, honorabiles et religiosi viri domini Johannes abbas, Johannes celerarius et Nicolaus subprior, ipsorum et tocius conventus dicti monasterii in Zdyar nomine ex una et dominus Damianus plebanus sive rector ecclesie parrochialis in Nova Civitate predictus citatus ad diem, horam et locum predictum per ipsum dominum Swathoslaum plebanum sive comissarium et de mandato ipsius ad videndum produci testes pro parte dictorum abbatis et conventus monasterii in Zdyar et jurare eosdem, necnon ad videndum offerri articulos pro parte predictorum dominorum abbatis et conventus, ac eciam ad offerendum suos articulos, si quos offerre vellet idem dominus Damianus, parte ex altera: ubi dictus dominus Johannes abbas et ceteri fratres ipsius articulos pro parte ipsorum obtulerunt et viginti duos testes citatos produxerunt, a quibus iuramenta de veritate dicenda recipi et super articulis per ipsos oblatis examinari pecierunt. Ibidem eciam dictus dominus Swathoslaus plebanus et commissarius receptis juramentis a testibus, pro parte dominorum abbatis et conventus productis, ad peticionem ipsius domini Johannis Abbatis eundem dominum Damianum plebanum de Nova Civitate interrogavit et ab eo quesivit, an vellet aliquos articulos coram ipso domino Swathoslao ac commissario offerre et testes pro parte sua producere? qui dominus Damianus dixit et respondit dicens, se velle deliberare et secunda vel tercia die respondere, quid velit facere, videlicet utrum velit producere testes et articulos offerre vel non. Acta sunt hec presentibus honorabilibus et discretis viris dominis Johanne plebano sive rectore ecclesie parrochialis in Svratka, Adam Smilone plebano ecclesie in Vessele et Andrea vicario ibidem presentibus et aliis pluribus testibus fidedignis circa premissa. Item anno indiccione et pontificatu quibus supra, die vero XXVIII dicti mensis Marcii, hora terciarum, in stuba domus dotis ecclesie parrochialis in Nova Civitate, Olomucensis diocesis