290 habentes et gratas eas auctoritate apostolica confirmamus et presentis scripti patrocinio com- munimus. Nulli ergo omnino hominum liceat hanc paginam nostre confirmacionis et communi- cionis infringere vel ei ausu temerario contraire. Si quis autem hoc attemptare presumpserit, indignacionem omnipotentis dei et beatorum Petri et Pauli apostolorum eius se noverit incur- surum. Datum Rome apud sanctum Petrum XIII kalendas Maii pontificatus nostri anno septimo. (Inserirt in dem Notariatsinstrumente ddo. 30. December 1401 im fürsterzbisch. Archive in Kremsier.) 312. Das Kloster Saar ubergibt dem Johann und Nikolaus, Erben nach Pešik aus Kozlov, das Dorf Kozlov zum Nutzgenusse für ihre Lebenszeit. Dt. Saar 24. April 1396. Nos fratres Joannes abbas, Joannes prior, Nicolaus supprior, totusque conventus monasterii Fontis sanctae Mariae virginis in Sar, ordinis Cisterciensis, Pragensis dioecesis, recognoscimus tenore praesentium universis, praesentibus et futuris, quod praevia matura deliberatione et communi tractatu inter nos praehabito omniumque nostrum bona voluntate praehabita ad instantiam et honorem nobilis baronis ac nobis fidelis et generosi fundatoris nostri domini Joannis de Mezrzicz villam nostram Gozlov nuncupatam cum judicio ceterisque attingentiis, proprietatibus et usufructibus suis quibusvis dedimus et damus et assignamus virtute praesentium honestis clientibus ejusdem domini Joannis Joanni et Nicolao, quondam heredibus Pessikonis in ipsa villa Gozlov bonae memoriae, quoad vixerint, libere et pacifice possidendam, salvis tamen infrascriptis conditionibus effeclive per omnem eventum, utpote non obstantibus alicujus destitutionis ipsius villae praetextu seu cujusvis sinistrae sortis eventuris omnimode observandis. Inprimis, quod iidem clientes annis singulis nostro monasterio de eadem villa sex laneos continente importent et assignent tertiam dimidiam marcam grossorum denariorum pragensium, moravici pagamenti et numeri ad bernam regalem, quae steura provincialis in Moravia dicitur, quoties eam imponi et recipi contigerit per principem Moraviae, juxta taxam laneorum confinium villarum ibidem et nihilominus unus illorum cum uno equo, quoties et dum requisitum fuerit, ipsi monasterio famulari sit adstrictus expedite sine contradictionis obstaculo. Si vero ipsi praedicti clientes Joannes et Nicolaus in prae- missis praestandis videlicet marcis bernae regalis et servitio conjunctim vel divisim nota- biliter segnes aut desides fuerint, vel volente deo carnis debitum exsolverint universe, ex tunc praefata villa Gozlov continuo et libere cum judicio ceterisque attinentiis suis memoratis ad dominium nostri monasterii redeat et possessionem perpetuo, quibusvis et quorumvis contradictionibus postpositis et semotis. In cujus rei testimonium et robur praesentes fieri et sigillorum nostrorum abbatis et conventus praedictorum appensionibus fecimus communiri. Datum et actum in monasterio Sar anno domini millesimo trecentesimo nonagesimo sexto, in festo beati Georgii, indictione quarta. (Inserirt in num. 313.)