390 Fideles dilecti! Quia illustrem Procopium, marchionem Moraviæ, principem et patruum nostrum dilectum, in capitaneum regni nostri Boemiæ præfacimus, data sibi potestate plenaria, ut in absentia nostra justitiam dirigere, pacem incolis procurare et tam divitem quam pau- perem in suis debeat juribus conservare : idcirco vobis et vestrum cuilibet seriose præcipimus et sub regii favoris obtentu expresse mandamus, quatenus ad præfatum patruum nostrum et neminem alium respectum habere, sibi in singulis agendis assistere, ac ipsius mandatis tamquam nostris debeatis firmiter obedire. Nam in casum, quo aliquis vestrum se in hoc casu componeret (sic) et suis, imo potius nostris mandatis obedire forsitan recusaret, extunc eidem patruo nostro commisimus et dedimus plenariam nostro nomine potestatem, talem ab officio suo destituendi et alium loco sui instituendi, dum et quotiens fuerit opportunum etc. (Palacký Formelb. II. p. 110.) 432. Das Kloster Herburg tritt dem Dominikanerkloster in Brünn einen Hof in Birnbaum ab. Dt. 28. October 1397. Nos Anna protunc priorissa, Girdrudis, Dorothea de Montibus Chutnis, Barbara, Anna dicta Moczyne, et Margaretha Fuchsynne, seniores necnon totus conventus sancti- monalium de Cella beate Marie virginis ad Herborgas, ordinis Predicatorum in Brunna, Olomucensis diocesis, notumfacimus tenore presencium universis, quod animo deliberato, sano et speciali capitulari interveniente consilio, necnon de consensu et voluntate venerabilis patris Nicolai, provincialis nostri ordinis Boemie et Moravie prius obtento, laneum nostrum cum omnibus agris et ipsius pertinenciis, nichil exclusis, cum una curticula in villa Pirpawm prope civitatem Nawssedlicz situatum, per nos longo temporis spacio habitum hucusque pacifice et quiete possessum, honorabilibus et religiosis fratribus priori et conventui monasterii sancti Michahelis Predicatorum nostri ordinis in Brunna perpetue dedimus, donavimus et condescendimus, damus, donamus et virtute presencium elargimur ad habendum tenendum utifruendum et vendendum ac pro utilitate eorum et beneplacito disponendum, pro illis tribus modiis tritici, siliginis et avene, quos propter confessores ipis annis singulis censuare decre- vimus, nobis et conventui nostro perpetue dimiserunt. Alium vero invenientes modum, quod loco donacionis prefati lanei et eius pertinenciis, ut premittitur, nobis idoneum et discretum confessorem cum uno socio de conventu eorum et oblatas ad omnipotentis dei laudem et eius genetricis virginem Mariam, (sic) quocienscunque necesse fuerit, sine omni recusacione destinare debebunt, sicut in litteris sub appensis eorum sigillis, nobis super hac promissionis materia confectis et datis, limpidius declaratur. In cuius rei evidenciam et maioris roboris firmi- tatem sigilla nostra priorisse et conventus ac patris Nicolai, provincialis nostri, racione consensus predictorum presentibus litteris sunt appensa. Datum anno domini millesimo trecen- tesimo nonagesimo septimo, in die beatorum Symonis et Jude apostolorum. (Orig. Perg. mit 2 anhang. Sig. im mährischen Landes-Archiv Art. Brünner Jesuiten Nr. 7 lit. B.)