160 164. Der Obrowitzer Abt Jaroslaus entscheidet den Process zwischen den Altbrünner Kreuz- herren und den Pfarrern Bohdal, Janko etc. zu Gunsten der ersteren. Dt. Obrowitz 11. Juli 1393. Christi nomine invocato, ex cuius vultu recta procedunt judicia, nos Jaroslaus de Schellnberg divina miseracione abbas monasterii beate Marie virginis Zabrdowicensis prope Brunam ordinis Premonstratentis Olomucensis diocesis, judex et conservator perpetuus jurium et privilegiorum honorabilium et religiosorum virorum dominorum magistri et fratrum cruciferorum ordinis sancti Johannis hospitalis Jerosolimitani etc. in causa, que inter religiosum virum dominum Nicolaum fratrem ordinis cruciferorum sancti Johannis hospitalis Jerosolimitani supradicti ac rectorem et plebanum hospitalis in Antiqua Bruna predicte Olomucensis diocesis actorem ex una, et discretos viros dominos Bohdalum in Kinheyt, Jankonem in Bobrowka, Michahelem in inferiori Bobrowia et Georgium in Obecz ecclesiarum plebanos et rectores dicte Olomucensis diocesis reos, parte ex altera, coram nobis diu extitit ventillata, visis et diligenter inspectis actis et munimentis ac juribus parcium hinc inde solum deum pre oculis habentes pro tribunali sedentes per hanc nostram diffinitivam sentenciam in his scriptis dicimus sentenciamus et pronuncciamus, quod dicti prenominati rei indilate cedere debent de possessione et occupacione decimarum frugum omnium et singulorum, cuiuscunque grani existant, proveniencium de villis dictis Crewczdorf, Bohdalau, Morawska, Miroschaw et Cossan dicte Olomucensis diocesis, rectori ecclesie in Krisans et per consequens rectori seu plebano hospitalis in Antiqua Bruna, nomine et in persona pau- perum hospitalis supradicti ac de spolio, per ipsos supradictos reos de facto commisso in predictis ecclesiis in Krisans et hospitali se extendente ad XL marcas grossorum pragensium moravici numeri et pagamenti solvere dare satisfacere et cum effectu reddere debere actori prenotato, ipsis supradictis reis et ipsorum successoribus universis de percepcione et dominio dictarum decimarum perpetuum silencium presentibus imponentes, ac omnia et singula realiter et cum effectu solvere debere prenotatos reos antenotate actrici parti, prout in libello coram nobis judicialiter in predicta causa oblato et petito plenius continetur, ipsique actrici parti dampna singula rei debeant plenarie restituere et victos victori in expensis legitimis condempnari. In quibus omnibus et singulis supradictis prefatos reos actrici parti prenominate sentencialiter et diffinitive auctoritate conservatoria condempnamus, quarum taxacionem nobis in posterum reservamus. Lecta lata publicata et pronuncciata est hec sentencia in monasterio dicti domini Jaroslai hora vesperorum vel quasi, anno domini millesimo trecentesimo nonagesimo tercio, indiccione prima, die XI mensis Julii, pontificatus etc. Et ego Jacobus quondam Johannis de Bruna Olomucensis diocesis publicus auctoritate imperiali notarius etc. (Aus dem Orig. in der Boček'schen Slg. n. 3116 im mähr. Landes-Archive.)