279 pre oculis solum deum per hanc nostram diffinitivam sentenciam, quam fecimus in hiis scriptis, pronunciamus decernimus et declaramus, dictam presentacionem domini Petri quondam Nicolai de Brunna, presbiteri rectoris parochialis ecclesie in Strzielcz supradicti sive de ipso ad capellam sancti Nicolai in cymiterio ecclesie sancti Mauricii in Olomuncz situatam, factam fuisse fore et esse canonicam suumque debitum debuisse et debere sortiri effectum, dictumque dominum Petrum virtute huiusmodi presentacionis in et ad dictam capellam sancti Nicolai in Olomuncz in rectorem et capellanum fore et esse instituendum et confirmandum, ac instituimus et confirmamus, honorabili viro domino Philippo canonico Olomucensi occasione presentacionis de ipso ad eandem capellam facte in ipsa capella seu ad eam nullum jus compeciisse aut competere, contradicciones quoque opposiciones et impedimenta predictas et predicta per ipsum dominum Philippum factas et facta fuisse fore et esse iniustas et indebitas ac iniuste indebite et de facto attemptatas, iniusta indebita et de facto attemptata, sibique domino Philippo canonico Olomucensi predicto super huiusmodi contradiccionibus oppo- sicionibus et impedimentis ac super capella sancti Nicolai in Olomuncz predictis fore et esse silencium imponendum et imponimus; eundem dominum Philippum canonicum Olomucensem prefato domino Petro olim Nicolai de Brunna in expensis coram nobis in huiusmodi causa legitime factis condempnamus, quarum expensarum taxacionem nobis imposterum reservamus. Lecta lata et in scriptis promulgata fuit hec presens nostra diffinitiva sentencia per nos Johannem de Ghulen officialem supradictum Chremisir Olom. diocesis in domo decanatus in magna stuba, in quo loco jura redduntur, nobis hora tercia pro tribunali sedentibus sub anno a nativitate domini millesimo trecentesimo nonagesimo sexto, indiccione quarta, die penultima mensis Februarii, pontificatus sanctissimi in Christo patris domini nostri domini Bonifacii divina providencia pape noni anno ipsius septimo, presentibus honorabilibus et discretis viris dominis Raczkone ecclesie sancti Mauricii in Chremisir canonico, Nicolao de Brodlino et Nicolao vicario in Novacivitate, presbiteris Olom. diocesis testibus ad premissa vocatis specialiter et rogatis. (Orig. Perg. h. Sig. im Olm. Stadt-Archive.) 301. Johann Pfarrer in Kaplbobrau und Bohdal Pfarrer in Bor, erklären, dass sie dem Aus- spruche, welchen der Johanniter Grossprior Markold zwischen ihnen und dem Commendator in Altbrünn fällen werde, sich fügen wollen. Dt. 29. Februar 1396. Constituti personaliter coram nobis Georgio Bora, officiali Pragensi et actis nostris obligatoriis Johannes de Caplbobraw et Bohdalus de Bor ecclesiarum plebani Olomuc. dioc. ex una (sic) compromiserunt de alto et basso in honorabilem et religiosum virum dominum Marcoldum, priorem Boemie, Polonie etc., super omnibus litibus, questionibus et controversiis, quas habuerunt cum religiosis viris Sdencone commendatore et conventu in Antiqua Brunna. renuncciantes omnibus sentenciis, privilegiis, litteris, munimentis et quibuslibet rescriptis