325 conventu monasterii claustri regine in Antiqua Bruna, devotis fidelibus nostris dilectis, opidum Myenyn, dictum Menays, comparavimus pro certa peccunie summa, ipsis iam dudum persoluta, cum suis universis utilitatibus dumtaxat ad tempora vite nostre tenendum et possidendum. Dicti quoque opidi huiusmodi empcionis et vendicionis contractu iam realiter nacti posses- sionem piscinam utilem et magnam extruximus iuxta illud, que eidem opido tamquam contigua apparet intuenti, condicionem siquidem memorati opidi per eandem piscinam meliorem facientes evidenter. Verum animo pensantes quod ex diuturna tencione opidi antedicti, nobis decen- dentibus, successoribus nostris posset dari occasio, se de opido intromittendi sepefato, tamquam dubiis, quo contractu opidum prelibatum per nos tam diu fuerit possessum, unde prenarratis virginibus nova possent venire impedimenta; cupientes ergo huius negocii recentem facere memoriam tempore affuturo et disponere, ut nobis decedentibus pretuitum*) opidum unacum prenarrata piscina libere et absque cuiuscunque hominis impedimento ad prescriptas virgines abbatissam et conventum revertantur, disponimus et maturo animo ac de certa sciencia ordinamus, ut completis diebus nostris absque mora sepefate virgines de ipso opido et eius singulis pertinenciis, sicut per nos tentum est et tenetur, ac de piscina se intromittant et ad usus ac utilitatem suam ut rem propriam deinceps libere controvertant, quibus prefatum opidum cum predicta piscina, ut prefertur per nos extructa, ob salutem anime nostre post obitum nostrum reddimus hiis scriptis, decernentes nullum omnibus nostris successoribus jus competere ad opidum et pertinencias eius ac piscinam preexpressam. In cuius rei testimonium sigillum nostrum de certa nostra sciencia presentibus appensum est testimonio litterarum. Datum Brunne anno domini millesimo trecentesimo nonagesimo sexto, die et festo sancti Andree apostoli gloriosi. (Auf der Plicatur: De mandato domini marchionis Laurencius protonotarius. — Orig. Perg. mit anh. Sig. im m. Landes-Archiv Art. Königinkloster, lit. H. n. 3.) 356. Nikolaus Bischof von Olmütz ernennt den Johann Steppek zum Hauptmann der Burg Meilitz. Dt. Meilitz 8. December 1396. Nicolaus etc. notumfacimus etc. Quod de fide, legalitate, providencia et circum- speccionis industria strenui Johannis Steppek militis et familiaris nostri fidelis summarie fiduciam obtinentes ipsum nostro et ecclesie nostre Olomucensis nomine constituimus ordi- navimus et fecimus, constituimus ordinamus et facimus virtute presencium nostrum capitaneum sive burgravium castri nostri Meilicz, opidorum Wissaw et Pustmyr necnon villarum et pertinenciarum districtus eiusdem, sic quod idem Johannes idem castrum villas incolas homines et districtum eiusdem cum suis emolumentis fructibus proventibus et pertinenciis universis tamquam noster et ecclesie nostre Olomucensis capitaneus sive burgravius regere et tenere possit et debeat nostro nomine et eciam pro posse suo fideliter gubernare. Ceterum *) Offenbar Schreibfehler für pretactum.