116 133. Der Obrowitzer Abt Jaroslaus beauftragt den Pfarrer von Meziřič, dass er die Pfarrer Bohdal, Janko etc. vor sein Gericht citire. Dt. Obrowitz 9. April 1393. Jaroslaus de Sellnnberg miseracione divina abbas monasterii beate Marie virginis Zabrdowicensis prope Brunam ordinis Premonstratentis, Olomucensis diocesis, judex et con- servator perpetuus una cum aliis nostris in hac parte collegis jurum et privilegiorum honora- bilium et religiosorum virorum dominorum magistri et fratrum cruciferorum hospitalis Johannis Jerosolimitani a sede apostolica specialiter deputatus, honorabili et discreto viro domino . . plebano seu rectori ecclesie parochialis in Mezyrzyecz aut ipsius locum tenenti dicte Olo- mucensis diocesis aliisque omnibus et singulis ecclesiarum plebanis sive rectoribus aut ipsorum vices gerentibus per civitatem et diocesem Olomucensem ubilibet constitutis, qui presentibus fueritis requisiti seu alter vestrum fuerit requisitus conjunctim vel divisim, salutem in domino et mandatis nostris imo vero apostolicis firmiter obedire. Noveritis, nobis nona die mensis Aprilis hora nonarum vel quasi anno dominice incarnacionis millesimo trecentesimo nona- gesimo tercio, indiccione prima in palacio monasterii nostri consueto, pontificatus sanctissimi in Christo patris et domini nostri domini Bonifacii divina providencia pape noni anno ipsius quarto, per idoneum et circumspectum virum Henricum dictum Hawswald procuratorem et nomine procuratorio religiosi viri fratris Nicolai plebani seu rectoris ecclesie domus hospitalis cruciferorum ordinis sancti Johannis Jerosolimitani in Antiqua Bruna dicte Olo- mucensis diocesis presentasse literas olim divine et felicis recordacionis domini Johannis pape vicesimi secundi in vera bulla plumbea et canapo more romane curie consignatas, non rasas, non cancellatas, non viciatas sed omni prorsus vicio et suspicione, ut prima facie apparebat, carentes, quarum tenoris principium per omnia sequitur in hec verba : „Johannes episcopus servus servorum dei, dilectis filiis in Luca et Zabrdowicz monasteriorum abbatibus Olomucensis diocesis et decano ecclesie Olomucensis salutem et apostolicam benediccionem etc. Datum Avinione VII. idus Octobris pontificatus nostri anno quarto." — Virtute quarum literarum apostolicarum per dictum Henricum Hawswald procuratorem et nomine procuratorio dicti fratris Nicolai plebani sive rectoris ecclesie domus et hospitalis cruciferorum sancti Johannis Jerosolimitani in Antiqua Bruna predicta cum instancia fuimus coram fidedignis testibus requisiti, ut unam vel plures citacionem et citaciones contra et adversus partes infra scriptas sibi auctoritate nostra imo verius apostolica decernere legitime dignaremur. Nos igitur Jaroslaus predictus abbas volentes super premissis justicia mediante procedere, ut tenemur, vobis domino plebano seu rectori ecclesie in Mezyrzyecz predicto aut vestras vices tenenti aliisque omnibus et singulis ple- banis, viceplebanis et rectoribus ecclesiarum aut ipsorum vices gerentibus per dictam civi- tatem et diocesim Olomucensem ubilibet constitutis, qui presentibus conjunctim vel divisim fueritis requisiti seu alter vestrum fuerit requisitus, sic quod unus vestrum alterum in hac causa exequendo non expectet nec per alterius absenciam se excuset, in virtute sancte obediencie et sub excommunicacionis pena striccius precipientes mandamus, quatenus mox